Birinshiden, Mamaıdyń popýlızmi men negizsiz málimdemelerine dereý jaýap qaıtarǵan Baıbekke qarasty aıtylǵan syn oǵash kórinedi.
Negizi Baıbek – ózekti máseleler boıynsha ashyq pikirtalasqa túsip, ózgeler úndemeýge úırengen taqyryptar boıynsha óz pozıııasyn naqty aıtatyn azdaǵan zamanaýı saıasatkerlerdiń biri. Pozıııa tańdaýdyń zamanaýı teorııasy men praktıkasy kórsetkendeı, tabysty saıasatker aıtylǵan synǵa qanshalyqty jedel jáne konstrýktıvti jaýap qaıtarsa, ımıdjik joǵaltý sonshalyqty az bolmaq. Alaıda keıbir eski keńestik tujyrymdamalardyń jaqtastary Baıbek ashyq túrdegi negizsiz synǵa múlde jaýap qaıtarmaýy kerek edi dep sanaıdy. Degenmen bul jaǵdaıda osyndaı dárejedegi halyq aldyndaǵy saıasatkerge bulaı jasaýǵa bolmaıdy. Qoǵammen ashyq sóılesken jón, qoǵam sonda ǵana qoldaıdy. Osy turǵydan Baıbektiń suhbaty saýatty qurylyp, ýaqytynda berildi. Saıası pikirtalas sýyǵan kúıinde beriletin kek emes. Árqashan ashyqtyqty, keı jaǵdaılarda qoǵam aldyna shyǵýdy talap etetin udaıy qozǵalystaǵy dúnıe.
Ekinshiden, Mamaı ózin tyǵyryqqa tiredi. «Navalnyıdyń obrazyn» kıgisi keldi. Degenmen isin shala jáne sapasyz jasaıdy. Óz kontenti joq. Tolyǵymen anonımdi telegram-kanaldyń aqparatyna súıenip, úlken qatelik jasady. Shyndyǵynda Mamaı osy «derekkóz» taratatyn barlyq aqparat úshin jaýapkershilikti óz moınyna alyp otyr. Saldary sol, sot qaraýynyń qorytyndysy endi aıtpasa da belgili.
@selteyev_view telegramm kanaly
