كۇندە 12 مينۋت جاتتىعۋ جاساساڭىز، جۇرەك، قان تامىرلارى اۋرۋلارى مەن ديابەتتىڭ تۋىنداۋىنان ساقتاناسىز. بۇل تۋرالى گارۆاردتىڭ ماسساچۋسەتسك اۋرۋحاناسىنىڭ زەرتتەۋشىلەرى ايتىپ ءوتتى.
زەرتتەۋشىلەردىڭ ەڭبەگى Circulation جۋرنالىندا جارىق كوردى. ولار ورتا جاستاعى 411 ەر ازامات پەن ايەلدىڭ مەتوبوليت جاسۋشالارىنا ساراپتاما جاساعان. ارنايى ماماندار زەرتتەۋ بارىسىندا تاجىريبەگە قاتىسۋشىلاردىڭ دەنە جاتتىعۋ جاساعانعا دەيىنگى جانە ودان كەيىنگى جاعدايىن باقىلاپ وتىرعان.
ناتيجە شىققاندا جاتتىعۋ جاساۋدىڭ پايدالى ەكەنى بەلگىلى بولدى.
جاتتىعۋ جاساعاننان كەيىن ادام دەنەسىندەگى ديابەت پەن باۋىردىڭ اۋرۋىمەن بايلانىستى بيوماركەرلەردىڭ سانى 18%-عا دەيىن تومەندەسە، جۇرەك، قان تامىرلارى اۋرۋلارى مەن ەرتە قايتىس بولۋعا الىپ كەلەتىن گلۋتامات 29%-عا ازايعان.
"ادىرنا" ۇلتتىق پورتالى
