Kúnde 12 mınýt jattyǵý jasasańyz, júrek, qan tamyrlary aýrýlary men dıabettiń týyndaýynan saqtanasyz. Bul týraly Garvardtyń Massachýsetsk aýrýhanasynyń zertteýshileri aıtyp ótti.
Zertteýshilerdiń eńbegi Circulation jýrnalynda jaryq kórdi. Olar orta jastaǵy 411 er azamat pen áıeldiń metobolıt jasýshalaryna saraptama jasaǵan. Arnaıy mamandar zertteý barysynda tájirıbege qatysýshylardyń dene jattyǵý jasaǵanǵa deıingi jáne odan keıingi jaǵdaıyn baqylap otyrǵan.
Nátıje shyqqanda jattyǵý jasaýdyń paıdaly ekeni belgili boldy.
Jattyǵý jasaǵannan keıin adam denesindegi dıabet pen baýyrdyń aýrýymen baılanysty bıomarkerlerdiń sany 18%-ǵa deıin tómendese, júrek, qan tamyrlary aýrýlary men erte qaıtys bolýǵa alyp keletin glýtamat 29%-ǵa azaıǵan.
"Adyrna" ulttyq portaly
