تەاترلىق ۇدەرىستە، ونداعى ونەر ۇجىمىنىڭ دامۋ تراەكتورياسىن جوسپارلاۋدا سىننىڭ ورنى اسا ماڭىزدى ەكەنى بەلگىلى. سىن دەگەنىمىز – ينتەرپرەتاتسيا. دراماتۋرگ پەسا جازادى، رەجيسسەر پەسانى قويادى، اكتەر ورىندايدى، سىنشى باعالايدى دەيتىن بولساق، ءاربىر جاڭا قويىلىمنىڭ كوركەمدىك ساپاسىن سىنشىلار انىقتاپ، ناقتى باعاسىن بەرىپ وتىرۋ كەرەك.
تەاترلارعا تومەندەگىدەي ماقساتتار اسا قاجەت دەگەن ويدامىن.
تەاتر ونەرىنىڭ بارلىق كوركەمدىك قۇرالىن جەتىك بىلەتىن، كەز كەلگەن سپەكتاكلدىڭ جەكە (پسيحولوگيالىق), تاريحي (قوعامدىق-الەۋمەتتىك) جانە ماڭگىلىك (فيلوسوفيالىق) قاباتتارىن تانيتىن سىنشىلاردى تارتۋ;
وسى ارقىلى تەاترعا، ونىڭ وڭ باعىتتا دامۋىنا، ساپالى رەپەرتۋارىنا، زامانۋي بولۋىنا جاعداي جاساۋ;
سپەكتاكلدەر تۋرالى سىني ماقالالاردىڭ جازىلۋىن قامتاماسىز ەتۋ;
تەاتردىڭ ونىمدەرىن كورەرمەندەرگە ۇسىنۋ مەحانيزمدەرىن دامىتۋ.
قازاق تەاترلارى بيىك بەلەستەردى باعىندىرىپ، قوعامدى وسىرە بەرسىن!
قۋانىش جۇمابەكۇلى
PhD دوكتورى، "الاتاۋ" ءداستۇرلى ونەر تەاترى
