تۇركيا بيلىگى ەلدەگى كوروناۆيرۋستىق ينفەكتسيالار سانىنىڭ كۇرت ءوسۋى اياسىندا 23-25 ءساۋىر ارالىعىندا تاۋلىك بويى كومەندانتتىق ساعات ەنگىزۋدە، دەپ حابارلايدى "ادىرنا" ۇلتتىق پورتالى، تۇركيا ىشكى ىستەر مينيسترلىگىنىڭ سايتىنا سىلتەمە جاساپ.
"23 ءساۋىر مەملەكەتتىك مەرەكە - ۇلتتىق تاۋەلسىزدىك جانە بالالار كۇنى بولعاندىقتان، وسى اپتادا شىعۋعا شەكتەۋ 22 ساۋىردە 19: 00-دە باستالىپ، 26 ساۋىردە 05: 00-دە اياقتالادى. كومەندانتتىق ساعات كەزىندە تۇرىك ازاماتتارى ءوز ۇيلەرىنەن تەك 10: 00-دەن 17: 00-گە دەيىن ازىق-تۇلىك دۇكەندەرى مەن دارىحانالارعا بارۋ، دارىگەرلەرگە بارۋ جانە يت سەرۋەندەۋ ءۇشىن عانا شىعا الادى", دەلىنگەن حابارلامادا.
بۇعان دەيىن تۇركيا دەنساۋلىق ساقتاۋ مينيسترلىگىنىڭ باسشىسى كوروناۆيرۋس پاندەمياسى باستالعاننان بەرى ەل باسىنان وتكەرىپ وتىرعان ەڭ قيىن كەزەڭ تۋرالى ايتقان بولاتىن.
ەلدە كوروناۆيرۋستىق پاندەميا باستالعاننان بەرى اۋرۋدىڭ كۇن سايىنعى ەڭ جوعارى ءوسۋى تىركەلدى.
"ادىرنا" ۇلتتىق پورتالى
