Túrkııa bıligi eldegi koronavırýstyq ınfekııalar sanynyń kúrt ósýi aıasynda 23-25 sáýir aralyǵynda táýlik boıy komendanttyq saǵat engizýde, dep habarlaıdy "Adyrna" ulttyq portaly, Túrkııa ishki ister mınıstrliginiń saıtyna silteme jasap.
"23 sáýir memlekettik mereke - Ulttyq táýelsizdik jáne balalar kúni bolǵandyqtan, osy aptada shyǵýǵa shekteý 22 sáýirde 19: 00-de bastalyp, 26 sáýirde 05: 00-de aıaqtalady. Komendanttyq saǵat kezinde túrik azamattary óz úılerinen tek 10: 00-den 17: 00-ge deıin azyq-túlik dúkenderi men dárihanalarǵa barý, dárigerlerge barý jáne ıt serýendeý úshin ǵana shyǵa alady", delingen habarlamada.
Buǵan deıin Túrkııa Densaýlyq saqtaý mınıstrliginiń basshysy koronavırýs pandemııasy bastalǵannan beri el basynan ótkerip otyrǵan eń qıyn kezeń týraly aıtqan bolatyn.
Elde koronavırýstyq pandemııa bastalǵannan beri aýrýdyń kún saıynǵy eń joǵary ósýi tirkeldi.
"Adyrna" ulttyq portaly
