قازاقستاندىقتار ءوز وتانداستارىنا دەگەن قامقورلىقتارىن توقتاتپايدى. بۇل جولى ولار ءبىر-بىرىنە COVID-19 ۆاكتسيناسىنان باس تارتقانى ءۇشىن بەلگىلى ءبىر ايىپپۇلدار سالىناتىنى تۋرالى ەسكەرتەدى، دەپ حابارلايدى "ادىرنا" ۇلتتىق پورتالى.
Telegram جەلىسىندە، قاراشا، جەلتوقسان ايلارىنا تامان كۇشتەپ ۆاكتسيناتسيالاۋ بولاتىندىعى، باس تارتقاندارعا ايىپپۇل سالىناتىندىعى جازىلعان حابارلاما تارادى.
بۇنىڭ ءبارى جالعان، - دەپ كورسەتىلگەن Stopfake.kz سايتىندا.
دەنساۋلىق ساقتاۋ مينيسترلىگى مۇنداي اقپاراتتى جوققا شىعاردى.
"بىزدە مىندەتتى ەكپە جاسالمايدى جانە ونداي بولمايدى. ءبىز بۇعان دەيىن بىرنەشە رەت ايتقان بولاتىنبىز. مۇنداي حابارلامالار جالعان اقپارات بولىپ تابىلادى", دەپ حابارلادى دەپارتامەنت.
ۆاكتسيناتسيادان باس تارتقانى نەمەسە ولاردى ۆاكتسينا الۋعا ماجبۇرلەگەنى ءۇشىن ايىپپۇل سالۋ قازاقستان زاڭناماسىنا قايشى كەلەدى.
«ادامداردىڭ دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابىنا سايكەس، ءاربىر قازاقستان ازاماتى «سانالى كەلىسىم بەرۋگە نەمەسە ەمدەلۋدەن جانە باسقا مەديتسينالىق ارالاسۋلاردان، ونىڭ ىشىندە پروفيلاكتيكالىق ەگۋلەردەن باس تارتۋعا» قۇقىلى.
"ادىرنا" ۇلتتىق پورتالى
