2019 جىلى تۇركيا ۋكرايناعا Bayraktar TB2 سوققى جاساۋشى دروندارىن ساتتى. ال ءبىر جىل وتكەن سوڭ كيەۆ انكاراعا درونداردى بىرلەسە جاساۋعا ۇسىنىس تاستاپ، وندىرىسكە الاڭ بەرۋگە دايىن ەكەنىن جەتكىزدى. وتكەن اپتاداعى ۋكراينا باسشىسى زەلەنسكي مەن ەردوعاننىڭ كەزدەسۋى رەسەيدە انتيتۇركيالىق كوڭىل-كۇي تۋدىردى.
تۇركيانىڭ سىرتقى ىستەر ءمينيسترى مەۆليۋت چاۆۋشوگلۋ Haberturk ارناسىنا بەرگەن سۇحباتىندا انكارانىڭ كيەۆكە ساتقان سوققى جاساۋشى دروندارىنا قاتىستى ءوز ويىن ءبىلدىردى. «ءبىز سوققى جاساۋشى دروندارىمىزدى شارت قويماستان كىمنەن سۇرانىس تۇسەدى، سوعان ساتامىز. ۋكراينامەن جاسالعان كەلىسىم رەسەيگە قارسى باعىتتالماعان», — دەدى ول.
مينيستر ەگەر رەسەي تۇركيالىق اسكەري ونىمدەرگە قىزىعۋشىلىق تانىتسا، وندا ونى ساتۋعا دايىن ەكەنىن جەتكىزدى. "ءبىز باقىتىمىزعا وراي ساتۋعا ءونىمىمىز بار ەلمىز. ەگەر رەسەي ءبىزدىڭ ءونىمىمىزدى ساتىپ العىسى كەلسە، وندا ءبىز C-400-ءدى ساتىپ العانىمىزداي ساتىپ الۋىنا بولادى. ەگەر ولار ءبىزدىڭ دروندارىمىزدى العىسى كەلسە، نەگە ساتپاسقا", - دەدى مينيستر.
تۇركيا رەسەيدىڭ قىرىمدى وككۋپاتسيالاپ العانىنا قارسى ەكەنىن دە جەتكىزدى. ۋكراينا تۇركيالىق دروندارمەن وتكەن اپتادا العاش رەت سەپاراتيستەر قولىنداعى شىعىس ايماققا بارلاۋ جاساعان ەدى.
اسحات قاسەنعالي،
"ادىرنا" ۇلتتىق پورتالى
