2019 jyly Túrkııa Ýkraınaǵa Bayraktar TB2 soqqy jasaýshy drondaryn satty. Al bir jyl ótken soń Kıev Ankaraǵa drondardy birlese jasaýǵa usynys tastap, óndiriske alań berýge daıyn ekenin jetkizdi. Ótken aptadaǵy Ýkraına basshysy Zelenskıı men Erdoǵannyń kezdesýi Reseıde antıtúrkııalyq kóńil-kúı týdyrdy.
Túrkııanyń Syrtqy Ister mınıstri Mevlıýt Chavýshoglý Haberturk arnasyna bergen suhbatynda Ankaranyń Kıevke satqan soqqy jasaýshy drondaryna qatysty óz oıyn bildirdi. «Biz soqqy jasaýshy drondarymyzdy shart qoımastan kimnen suranys túsedi, soǵan satamyz. Ýkraınamen jasalǵan kelisim Reseıge qarsy baǵyttalmaǵan», — dedi ol.
Mınıstr Eger Reseı túrkııalyq áskerı ónimderge qyzyǵýshylyq tanytsa, onda ony satýǵa daıyn ekenin jetkizdi. "Biz baqytymyzǵa oraı satýǵa ónimimiz bar elmiz. Eger Reseı bizdiń ónimimizdi satyp alǵysy kelse, onda biz C-400-di satyp alǵanymyzdaı satyp alýyna bolady. Eger olar bizdiń drondarymyzdy alǵysy kelse, nege satpasqa", - dedi mınıstr.
Túrkııa Reseıdiń Qyrymdy okkýpaııalap alǵanyna qarsy ekenin de jetkizdi. Ýkraına túrkııalyq drondarmen ótken aptada alǵash ret separatıster qolyndaǵy shyǵys aımaqqa barlaý jasaǵan edi.
Ashat QASENǴALI,
"Adyrna" ulttyq portaly
