اۆتوكولىك جولدارى كوميتەتىنىڭ باسشىسى مەن بىرنەشە اكىم ورىنباسارلارى پرەزيدەنتتىڭ جول جامىلعىسىنىڭ جاي-كۇيى تۋرالى ايتقان سوزدەرىنەن كەيىن قىزمەتىنەن ايىرىلدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي مالىمدەدى، دەپ حابارلايدى "ادىرنا" ۇلتتىق پورتالى.
«پرەزيدەنت قاسىم-جومارت توقاەۆتىڭ تاپسىرماسى بويىنشا رەسپۋبليكالىق جانە جەرگىلىكتى جولداردىڭ قۇرىلىسى مەن جوندەۋ جۇمىستارىن رەتكە كەلتىرۋ جالعاسىپ جاتىر. وسى سالاداعى جۇمىستاردى جانە باقىلاۋدى بوساڭسىتىپ العانى ءۇشىن يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ توراعاسى س.بارماقوۆ، باتىس قازاقستان، سولتۇستىك قازاقستان جانە اقتوبە وبلىستارى اكىمدەرىنىڭ ورىنباسارلارى ت.شاكىموۆ، ي.تۋركوۆ جانە ن.قالاۋوۆتار قىزمەتىنەن بوساتىلدى.
ۇكىمەت، اكىمدەر، قۇقىق قورعاۋ ورگاندارى بيۋدجەت قارجىسىنىڭ ءتيىمسىز جۇمسالۋىنىڭ الدىن الۋ، جول قۇرىلىسى سالاسىنداعى كەلەڭسىزدىكتەردى جويۋ ءۇشىن شارالار قابىلداپ جاتىر»، دەپ جازدى بەرىك ءۋالي.
سونىمەن قاتار، ۇلان ءالىپوۆ ەلباسىن سىناعاننان كەيىن «قازاۆتوجول» ۇلتتىق كومپانياسىنىڭ باسشىسى قىزمەتىنەن ايىرىلدى.
"ادىرنا" ۇلتتىق پورتالى
