مەملەكەت باسشىسى اقوردادا سينگاپۋر پارلامەنتىنىڭ سپيكەرى باستاعان دەلەگاتسيانى قابىلدادى، دەپ حابارلايدى "ادىرنا" ۇلتتىق پورتالى اقورداعا سىلتەپ.
پرەزيدەنت توقاەۆ پەن سەا كيان پەنمەن كەزدەسۋ بارىسىندا قازاقستان مەن سينگاپۋر اراسىنداعى تىعىز قارىم-قاتىناستى ودان ءارى كەڭەيتۋدى كوزدەيتىن كەزدەسۋ دوستىق راۋىشتە ءارى ناتيجەلى ءوتتى.
ء"بىز – ۋاقىت سىنىنان وتكەن سەنىمدى سەرىكتەسپىز. ءوزارا بايلانىستاردى نىعايتۋ ءۇشىن اۋقىمدى جۇمىس جۇرگىزىلدى. دەگەنمەن الدىمىزعا ەكى ەلدىڭ ىنتىماقتاستىعىن ودان ءارى دامىتۋعا باعىتتالعان بيىك ماقسات قويىپ وتىرمىز", – دەدى پرەزيدەنت.
قاسىم-جومارت توقاەۆتىڭ پىكىرىنشە، حالىقارالىق ىنتىماقتاستىقتى ارتتىرۋدا جانە مەملەكەتتەر اراسىنداعى ديالوگقا ىقپال ەتۋدە پارلامەنتتىك ديپلوماتيا اسا ماڭىزدى ءرول اتقارادى.
سونىمەن قاتار، قازاقستاندا بۇگىندە 140 سينگاپۋرلىق كومپانيا مەن بىرلەسكەن كاسىپورىن جۇمىس ىستەيتىنىن، ولاردىڭ ەل ەكونوميكاسىنا قۇيعان ينۆەستيتسياسىنىڭ جالپى كولەمى 1,4 ميلليارد دوللاردان اسقان.
كەزدەسۋ سوڭىندا سەا كيان پەن قوناقجايلىق تانىتقان قاسىم-جومارت توقاەۆقا ريزاشىلىعىن ءبىلدىرىپ، ەكى ەلدىڭ ىنتىماقتاستىعىن تەرەڭدەتۋ ءۇشىن مول الەۋەت بار ەكەنىن ايتتى.
