"جاقسى ىرىم" - اقوردا ماڭىندا كوزگە تۇسكەن ەكى قويان ەلدىڭ نازارىن اۋداردى

2487
Adyrna.kz Telegram

اقوردا ماڭايىندا كوزگە تۇسكەن ەكى قوياننىڭ سۋرەتى الەۋمەتتىك جەلىدە تارادى.  قازاق ەلىنىڭ ازاماتتارى بۇل قۇبىلىستى سان-ساققا جۇگىرتىپ، ءتۇرلى بولجام-جورامال ايتىپ جاتىر، دەپ حابارلايدى "ادىرنا" ۇلتتىق پورتالى. 

توسىننان تۇسىرىلگەن ەرەكشە سۋرەتتى قالامگەر قويشىباي ەسەنتاەۆ جاريالادى.

- بۇگىن كەرەمەت ساتكە كۋا بولدىم. قوياندار قويان جىلى اقورداعا قاراپ سويلەسىپ وتىر. نە ايتىپ وتىر ەكەن؟! - دەپ جازدى جۋرناليست.

قاس-قاعىم ءساتتى قاز-قالپىندا "قاعىپ العان" ءجۋرناليستىڭ تۋىندىسىنا پىكىر ايتىپ، ودان استار ىزدەپ جاتقانداردىڭ قاراسى قالىڭ. كوبى:

"ا.بايتۇرسىنۇلى قوياننىڭ تابيعاتقا بەيىمدەلىپ ءتۇسىن وزگەرتەتىنىن جازىپتى. مىنا قوياندار نەگە بايلانىستى ءتۇسىن وزگەرتتى ەكەن؟";

"جاقسى ىرىم، ەكولوگيانىڭ جاقسىلىعى عوي!";
"قوياندار، قويان جىلى دا ءوتىپ بارادى. سايلاۋعادا قاتىسا المادىق. مىنا شالدار، بىزگە قاشان ورىندارىن بەرەر ەكەن؟ - دەپ وتىرعان شىعار";
"مىناۋ ادامى كورىنبەيتىن تابيعات پەن قوعامنىڭ كورىنىسى عوي...";
"ەكەۋىن سونداعى ءبىر كىسىلەرگە ۇقساتىپ وتىرمىن";
"- اقوردا اقجاعاعا اق جۇماق بۇل.
- قىمباتشىلىقتان ەل-جۇرتى قالجىراپ تۇر،
- سايلانعاندار ەكولوگيا جايلى ايتا ما؟
- قىس جايسىز، قۇلاعىمىز سالبىراپ تۇر، - دەپ وتىر عوي", -  دەپ جازدى ولار.
"ادىرنا" ۇلتتىق پورتالى 
 
پىكىرلەر