الەكساندر لۋكاشەنكو مينسكىدەگى تاۋەلسىزدىك سارايىندا راسىم جاساپ، جەتىنشى رەت بەلارۋس پرەزيدەنتى قىزمەتىنە كىرىستى. بۇل تۋرالى بەلتا پورتالى جازدى، دەپ حابارلايدى “ادىرنا”.
باسىلىم مالىمەتىنشە، الەكساندر لۋكاشەنكو وڭ قولىن كونستيتۋتسياعا قويىپ، بەلارۋس تىلىندە انت بەردى.
"بەلارۋس رەسپۋبليكاسىنىڭ پرەزيدەنتى قىزمەتىنە كىرىسە وتىرىپ، حالقىما ادال قىزمەت ەتۋگە، ادام مەن ازاماتتىڭ قۇقىقتارى مەن بوستاندىقتارىن قۇرمەتتەۋگە جانە قورعاۋعا، بەلارۋس رەسپۋبليكاسىنىڭ كونستيتۋتسياسىن ساقتاۋعا جانە قورعاۋعا، وزىمە جۇكتەلگەن جوعارى مىندەتتەردى قاسيەتتى جانە ادال ورىنداۋعا سالتاناتتى تۇردە انت ەتەمىن", - دەدى ول.
سايلاۋ قورىتىندىسى بويىنشا بيىل 26 قاڭتاردا لۋكاشەنكو پرەزيدەنت بولىپ سايلاندى. ونىڭ كانديداتۋراسى ءۇشىن 5 136 293 داۋىس بەرىلدى. بۇل داۋىس بەرۋگە قاتىسقان ازاماتتار سانىنىڭ 86,82 پايىزىن قۇرادى.
"الەمنىڭ جارتىسى ءبىزدىڭ ديكتاتۋرامىزدى بىزدىڭ حالقىمىزدىڭ ناقتى ىستەرى مەن مۇددەلەرىنىڭ ديكتاتۋراسىن ارماندايدى. ءسوز بوستاندىعىمەن بىزدە ءبارى جاقسى. بىزدە دەموكراتيا ءوزىن ەتالون دەپ اتايتىندارعا قاراعاندا كوبىرەك", - دەدى لۋكاشەنكو.
