اقش-پەن تەكەتىرەس رەسەيدىڭ التىن قورىنا قاۋىپ ءتوندىرىپ تۇر. بۇل تۋرالى اتىشۋلى ساياساتتانۋشى ۆياچەسلاۆ نيكونوۆ 18 ءساۋىر كۇنى «ۆوسكرەسنىي ۆەچەر» باعدارلاماسىندا ايتتى. قازىر رەسەيدىڭ التىن قورىنىڭ قۇنى 580 ملرد دوللاردى قۇرايدى. بۇل بىرنەشە جىلدىق بيۋدجەتپەن تەڭ. رەسەيدىڭ التىن قورى باتىستىق بانكتەردە ساقتاۋلى.
"مەنىڭ ويىمشا التىندى بۇلاي ساقتاۋ وتە قاۋىپتى، بۇل اقشالاردى ءوز ەكونوميكامىزدى دامىتۋعا قۇيۋعا ءتيىسپىز، بارلىق ەلدىڭ ورتالىق بانكتەرى سولاي ىستەيدى. ويتكەنى ءبىز ەرتەڭگى "قيىن ۋاقىتقا" دەپ قارجى مەن قور جيناۋىمىز كەرەك دەگەن يدەيا مۇلدە جۇمىس ىستەمەي تۇر. ەرتەڭ سول "قيىن ۋاقىت" كەلگەن ساتتە ونىڭ قىزىعىن ءبىز ەمەس، وزگەلەر كورەدى. مادۋرودان سۇراڭدارشى، ونىڭ التىن قورى قايدا ەكەن، كىم قىزىعىن كورىپ جاتىر. ونىڭ قىزىعىن زاڭسىز بولسا دا گۋايدو كورۋدە" ، -دەدى ول.
"ەگەر ءبىز باتىسقا قارسى سانكتسيالار سالعىمىز كەلسە، وندا بۇل قارجىلار ءبىزدىڭ ىشكى ەكونوميكامىزدى دامىتۋعا باعىتتالۋى ءتيىس. مىسالى كوپتەگەن ەلدىڭ ورتالىق بانكتەرى ءوز ەلىنىڭ كومپانيالارىنىڭ اكتسيالارىن ساتىپ الادى. ءسويتىپ ينۆەستيتسيانى ءوز ەلىنە قۇيادى. قازىرگى جاعدايدا التىن قورى ءاپ-ساتتە جوق بولۋى مۇمكىن", — دەدى ۆياچەسلاۆ نيكونوۆ.
اقش رەسەيدىڭ حاكەرلىك شابۋىلدارىنا بايلانىستى وتكەن اپتادا سانكتسيالار سالىپ، كرەملدى ەكونوميكالىق قىسپاققا الۋدى جالعاستىردى.
اسحات قاسەنعالي،
"ادىرنا" ۇلتتىق پورتالى
