ءار مينۋت سايىن 2 ناۋقاس اۋرۋحاناعا ءتۇسىپ جاتىر - باسقارما باسشىسى

485

الماتى قالاسى قوعامدىق دەنساۋلىق باسقارماسىنىڭ باسشىسى قالادا ءار مينۋت سايىن ەكى ناۋقاس اۋرۋحاناعا ءتۇسىپ جاتقانىن ايتتى، دەپ حابارلايدى “ادىرنا” ۇلتتىق پورتالى.

"قازىر كۇندەلىكتى 700 ادام اۋرۋحاناعا جاتقىزىلىپ جاتىر. ناۋقاستار كۇندىز ساعات 1-2, كەشكى ساعات 8-10 اراسىندا كوپ تۇسەدى. بۇل ۋاقىتتا ساعاتىنا 130 ادام اۋرۋحاناعا كەلەدى. دەمەك، ءبىر مينۋتتا ەكى ناۋقاس اۋرۋحاناعا جاتقىزىلادى", – دەدى باسقارما باسشىسى.

قالادا 7 625 توسەك-ورىن بار ەكەنى بەلگىلى بولدى. الايدا ونىڭ 67%-ءى ناۋقاستارعا تولى. سوڭعى اقپاراتقا سايكەس، 190 ادامنىڭ جاعدايى اۋىر. 385 ناۋقاس جانساقتاۋ بولىمىندە.

"سوڭعى ءۇش اپتادا ەپيدەميولوگيالىق جاعداي كۇرت ناشارلادى. وعان "دەلتا" شتاممى سەبەپ بولىپ وتىر. ول وتە جۇقپالى بولعاندىقتان، جاعدايى اسقىنىپ، كوپ ادام اۋرۋحاناعا جاتۋعا ءماجبۇر. جاستاردىڭ اۋرۋحاناعا ءتۇسۋى جيىلەدى. 14 جاسقا تولماعان 200-دەن استام بالا ينفەكتسيالىق اۋرۋحانادا ەمدەلىپ جاتىر", – دەدى تابىنباەۆ.

جاعدايدىڭ ۋشىعۋىنا بايلانىستى دارىگەرلەر حالىققا ۆاكتسينا سالۋعا شاقىردى.

پىكىرلەر
ۇقساس جاڭالىقتار