ساراتوۆ مۇناي وڭدەۋ زاۋىتى ۋكراينالىق درون شابۋىلىنان كەيىن بەلگىسىز مەرزىمگە جۇمىسىن توقتاتتى، دەپ حابارلايدى “ادىرنا” ۇلتتىق پورتالى.
بۇل تۋرالى Reuters اگەنتتىگى حابارلادى.
اگەنتتىك مالىمەتىنشە، شابۋىل سالدارىنان زاۋىتتاعى تاۋلىگىنە 20 مىڭ تونناعا دەيىن مۇناي وڭدەي الاتىن نەگىزگى العاشقى وڭدەۋ قوندىرعىسى زاقىمدانعان. Reuters دەرەگىنە سايكەس، بۇل كاسىپورىنداعى وسىنداي جالعىز قوندىرعى بولعان.
ساراتوۆ وبلىسىنىڭ گۋبەرناتورى رومان بۋسارگين 8 شىلدەدە ۇشقىشسىز اپپاراتتاردىڭ شابۋىلى سالدارىنان ازاماتتىق ينفراقۇرىلىم نىساندارى بۇلىنگەنىن راستاعانىمەن، ناقتى قانداي نىساندار ەكەنىنە توقتالماعان. ال ۋكراينا قارۋلى كۇشتەرىنىڭ باس شتابى سوققىنىڭ روسنەفت كومپانياسىنا تيەسىلى ساراتوۆ مۇناي وڭدەۋ زاۋىتىنا باعىتتالعانىن حابارلادى.
Reuters اگەنتتىگىنىڭ حابارلاۋىنشا، كومپانيانىڭ ءوزى بۇل اقپاراتقا قاتىستى پىكىر بىلدىرمەگەن.
