مىقتى ەكونوميكانىڭ نەگىزى - جوعارى ۇستەمە قۇنى بار ارتاراپتاندىرىلعان ءونىم ءوندىرىسى. مۇنداي وندىرۋشىلەرگە وبلىستاعى كاسىپورىنداردىڭ ءبىرى – «باعاشار مەكەن» جشس جاتادى. كومپانيا نارىقتا 2009 جىلدان بەرى جۇمىس ىستەيدى جانە ەۋروپالىق ستاندارتتارعا سايكەس ءونىم شىعارادى.
كاسىپورىندا اۆتوكولىكتەرگە ارنالعان ەتيلەنگليكول نەگىزىندەگى انتيفريز، توسول، سالقىنداتقىش شىعارىلادى جانە العاشقى وتاندىق ءوندىرۋشى بولىپ سانالادى. سەرىكتەستىكتە تاۋلىگىنە 200 تونناعا دەيىن، ماۋسىمدىق كەزەڭدە 3 000 تونناعا دەيىن ءونىم وندىرىلەدى. وندىرىستە 120 ادام جۇمىس ىستەيدى. ونىمدەرى نارىققا NORD, ALFA, Z-COOL ماركالى انتيفريز، «تەپلىي دوم» جىلۋ تاسىمالداعىشى، «سەۆەر-40» توسولى برەندتەرىمەن ۇسىنىلادى.
شەتەلدىك برەندتەر تاراپىنان باسەكەلەستىككە قاراماستان اتالعان كومپانيا ونىمدەرى جوعارى ساپالى سيپاتتامالارىنىڭ ارقاسىندا اۆتوحيميالىق ونىمدەردىڭ بولشەك ساۋدا نارىعىندا ءوز ورنىن تاپتى. قازىرگى تاڭدا كاسىپورىن ءوندىرىس كولەمىن ۇلعايتىپ، ءوسىپ كەلەدى. دەسە دە نەسيە الىپ اينالىم كاپيتالىن تولىقتىرۋ قاجەت.
- بىزگە جەڭىلدىكتى شارتتارمەن نەسيە الۋعا مەملەكەتتىك قولداۋ كومەكتەسەدى. وسىلايشا، سۋبسيديالاۋدىڭ ارقاسىندا «الفابانك» ەب اق-دا الىنعان كرەديت بويىنشا سىياقى مولشەرلەمەسىن «دامۋ» قورى 14 %-دان 6%-عا دەيىن تومەندەتتى. قوردىڭ نەسيە سوماسىنىڭ 39% مولشەرىندەگى كەپىلدىگىنىڭ ارقاسىندا ءبىز قاجەتتى كولەمدە نەسيەگە قول جەتكىزدىك»، – دەيدى كومپانيا ديرەكتورى يگور پوەزجالوۆ.
اتالعان سەرىكتەستىك «بيزنەستىڭ جول كارتاسى – 2025» باعدارلاماسى اياسىندا مەملەكەتتىك قولداۋعا يە بولدى.
