قر دسم باس مەملەكەتتىك سانيتار دارىگەرى ەرلان قياسوۆتىڭ كەزەكتى جاڭا قاۋلىسى جاريالاندى. «Ashyq» پيلوتتىق جوباسىن قولدانۋ ارقىلى تەاترلار مەن كاراوكەلەردىڭ، بانكەت زالدارىنىڭ قايتا جۇمىس ىستەۋىنە رۇقسات بەرىلگەن. «رەسپۋبليكا اۋماعىندا «Ashyq» جوباسىنا قاتىسۋشىلاردى كەڭەيتۋ ماقساتىندا مىنالاردى جوباعا ەنگىزۋگە رۇقسات ەتىلسىن:
– ءبىرىنشى كەزەڭدە 2021 جىلعى 14 ساۋىردەن باستاپ: كينوتەاترلار; تەاترلار جانە فيلارمونيالار; بانكەت زالدارىن، اسحانا، فاست-فۋد، ستريت-فۋد ۇلگىسىندەگى نىسانداردى قوسپاعاندا قوعامدىق تاماقتانۋ نىساندارى;
ەرىكتى قاتىسۋشىلار; – ەكىنشى كەزەڭدە 2021 جىلعى 21 ساۋىردەن باستاپ: وبلىسارالىق جانە قالاارالىق جۇيەلى مەسە (تۋريستىك) تاسىمالدار; بيليارد كلۋبتارى;
كونتسەرت زالدارى;
– ءۇشىنشى كەزەڭدە 2021 جىلعى 5 مامىردان باستاپ: 1) كاراوكە; 2) جاسىل ايماقتاعى بانكەت زالدارى (تولتىرىلۋى ءبىر زالدا 50 ادامعا دەيىن، 1 كەلۋشىگە كەمىندە 4 ش. مەتر)»، – دەپ جازىلعان قاۋلىدا.
2021 جىلعى 26 ساۋىردەن باستاپ كاسىپكەرلىك نىساندارىندا «Ashyq» پيلوتتىق جوباسىن ىسكە اسىرۋ اياقتالادى جانە جوبا قازاقستان رەسپۋبليكاسىنىڭ بارلىق وڭىرلەرىنە تاراتىلادى.
سونداي-اق، «Ashyq» پيلوتتىق جوباسىن يوگا ورتالىقتارىن قوسا العاندا، فيتنەس-كلۋبتاردا، سپا-ورتالىقتاردا، ساۋنالار مەن باسسەيندەردە، PlayStation كلۋبتارىن قوسا العاندا، كومپيۋتەرلىك كلۋبتاردا (16 جاسقا دەيىنگى ادامداردى قوسپاعاندا) جانە بوۋلينگ كلۋبتاردا ىسكە اسىرۋدى جالعاستىرۋ جازىلعان.
