QR DSM Bas memlekettik sanıtar dárigeri Erlan Qııasovtyń kezekti jańa qaýlysy jarııalandy. «Ashyq» pılottyq jobasyn qoldaný arqyly teatrlar men karaokelerdiń, banket zaldarynyń qaıta jumys isteýine ruqsat berilgen. «Respýblıka aýmaǵynda «Ashyq» jobasyna qatysýshylardy keńeıtý maqsatynda mynalardy jobaǵa engizýge ruqsat etilsin:
– birinshi kezeńde 2021 jylǵy 14 sáýirden bastap: kınoteatrlar; teatrlar jáne fılarmonııalar; banket zaldaryn, ashana, fast-fýd, strıt-fýd úlgisindegi nysandardy qospaǵanda qoǵamdyq tamaqtaný nysandary;
erikti qatysýshylar; – ekinshi kezeńde 2021 jylǵy 21 sáýirden bastap: oblysaralyq jáne qalaaralyq júıeli mese (týrıstik) tasymaldar; bılıard klýbtary;
konert zaldary;
– úshinshi kezeńde 2021 jylǵy 5 mamyrdan bastap: 1) karaoke; 2) jasyl aımaqtaǵy banket zaldary (toltyrylýy bir zalda 50 adamǵa deıin, 1 kelýshige keminde 4 sh. metr)», – dep jazylǵan qaýlyda.
2021 jylǵy 26 sáýirden bastap kásipkerlik nysandarynda «Ashyq» pılottyq jobasyn iske asyrý aıaqtalady jáne joba Qazaqstan Respýblıkasynyń barlyq óńirlerine taratylady.
Sondaı-aq, «Ashyq» pılottyq jobasyn ıoga ortalyqtaryn qosa alǵanda, fıtnes-klýbtarda, spa-ortalyqtarda, saýnalar men basseınderde, PlayStation klýbtaryn qosa alǵanda, kompıýterlik klýbtarda (16 jasqa deıingi adamdardy qospaǵanda) jáne boýlıng klýbtarda iske asyrýdy jalǵastyrý jazylǵan.
