كوكشەتاۋدا كوپ قاباتتى تۇرعىن ءۇيدىڭ بالكونى قۇلاپ، ءۇش كولىككە زاقىم كەلدى، دەپ حابارلايدى Sputnik قازاقستان.
وقيعا سەيسەنبى، 13 ساۋىردە بولعان.
"ساعات 14:42-دە كەنەسارى كوشەسىندەگى بەس قاباتتى تۇرعىن ۇيدە توتەنشە جاعداي قىزمەتكەرلەرى اپاتتىق-قۇتقارۋ جۇمىستارىن جۇرگىزدى. ولار توزىعى جەتكەن بالكون شاتىرى ءۇشىن قولدانىلعان بەتون پليتا قۇلاعان سوڭ قابىرعا جاقتاۋىنداعى كىرپىشتەردى بۇزدى", – دەلىنگەن حابارلامادا.
وقيعا ورنىنداعى جۇمىسقا 14 قىزمەتكەر مەن ءۇش تەحنيكا جۇمىلدىرىلدى.
قازا تاپقاندار مەن زارداپ شەككەندەر جوق.
كۋاگەرلەردىڭ ايتۋىنشا، قۇلاعان بالكون قيراندىلارى ءۇش كولىككە زاقىم كەلتىرگەن.
