Kókshetaýda kóp qabatty turǵyn úıdiń balkony qulap, úsh kólikke zaqym keldi, dep habarlaıdy Sputnik Qazaqstan.
Oqıǵa seısenbi, 13 sáýirde bolǵan.
"Saǵat 14:42-de Kenesary kóshesindegi bes qabatty turǵyn úıde tótenshe jaǵdaı qyzmetkerleri apattyq-qutqarý jumystaryn júrgizdi. Olar tozyǵy jetken balkon shatyry úshin qoldanylǵan beton plıta qulaǵan soń qabyrǵa jaqtaýyndaǵy kirpishterdi buzdy", – delingen habarlamada.
Oqıǵa ornyndaǵy jumysqa 14 qyzmetker men úsh tehnıka jumyldyryldy.
Qaza tapqandar men zardap shekkender joq.
Kýágerlerdiń aıtýynsha, qulaǵan balkon qırandylary úsh kólikke zaqym keltirgen.
