ادىرنا ۇلتتىق پورتالى islam.kz سايتىنا سىلتەمە جاساپ رامازان ايىندا سالماق قوسپاۋ جولدارى تۋرالى حابارلايدى.
- تاماقتى ورتاشا مولشەردە جەۋ. 16-17 ساعات ەش ءنار تاتپاعان ادامنىڭ قاتتى اشىعاتىنى تابيعي جاعداي. بىراق بۇل كوپ مولشەردە تاماق ءىشۋ كەرەك دەگەندى بىلدىرمەيدى. ەندەشە، تابەتىڭىزدى تەجەپ، اۋىز اشقاندا بولسىن، سارەسىدە بولسىن، ورتاشا مولشەردە اس ىشۋگە داعدىلانعان ءجون. بۇلاي ىستەۋىڭىز – ءسىزدى ورازا ايى بويى ارتىق سالماق قوسۋدان ساقتايدى.
- استى جاقسىلاپ شايناپ جەۋ كەرەك (مىسالى، 40 مارتە شايناسا بولادى). استى ۇزاق شايناپ جەۋ – قوماعايلانۋدى تەجەۋگە كومەكتەسەدى. ول – اسقازاننىڭ ميداعى تويىمدىلىق جۇيەسىنە، «ارتىق اس جەۋدەن توقتاي تۇرۋ» كەرەكتىگى جونىندە سيگنالدار جىبەرە الۋىنا قاجەتتى ۋاقىت بەرەدى. بۇل، ءوز كەزەگىندە، رامازان ايى بويى ارتىق سالماق قوسۋدان ساقتانۋىڭا جاردەمشى. (ويتكەنى ۇزاق شايناۋ ادامدى تەز تويدىرىپ، از تاماق جەۋگە اكەپ سوعادى. سونىڭ ناتيجەسىندە سەمىزدىك اۋرۋىنا شالدىعۋ قاۋىپىن تومەندەتكەن بولادى).
- اۋىز اشاردا اس جەمەستەن بۇرىن سۋ ءىش. ديەتولوگ ماماندار، اۋىز اشار ساتىندە اۋەلى ەكى شىنى (ستاكان) سۋ ءىشۋ كەرەكتىگىن ايتادى. بۇل – اسقازاننىڭ تولعاندىعىن جانە تويعاندىعىن سەزۋگە كومەك بەرەدى. سونداي-اق اۋىز اشاردا سۋ ءىشۋ – جينالعان مايلاردىڭ جويىلۋىنا جانە دەنەنىڭ توكسيندەردەن ارىلۋىنا جاردەم ەتەدى. ال بۇل - سالماق قوسپاۋعا كومەكشى.
- سۇيىق تاماقتى كوبىرەك ءىشۋ. رامازان راتسيونى سۇيىق تاماقتارسىز بولمايدى. سۇيىق تاماقتار وتە پايدالى. سول سەبەپتى ورازا ايى بويى سۇيىق تاماقتارمەن دوس بولۋ كەڭەس ەتىلگەن. ارتىق سالماق قوسۋدان ساقتايتىن سورپا تۇرلەرىنىڭ ءبىرى – كوكونىس سورپاسى مەن جاسىمىق سورپاسى (چەچەۆيتسا). ال كرەمدى-كىلەگەيلى سورپانى قىسقارتىڭىزدار. ويتكەنى ولار كالورياسى جوعارى تاعام تۇرلەرىنە جاتادى.
- كوپ سالات جەڭىز. سالماق تاستاعىسى كەلەتىن كىسىلەر رامازان ايىندا ءار كۇنى سالات جەپ تۇرۋى ءتيىس. سەبەبى سالاتتار، ادام اعزاسى قاجەت ەتەتىن كوپتەگەن ۆيتاميندەر مەن مينەرالداردى جانە پايدالى تالشىقتاردى قامتيدى. جانە سالاتتىڭ قۇرامىندا كالوريا از.
- بالىق جەۋ. اپتاسىنا ەكى رەت بالىق جەپ تۇرعان پايدالى. بالىقتار جوعارعى مولشەردە ومەگا-3 ماي قىشقىلىن قامتيدى. ونىڭ ەسەسىنە بالىقتاردا ماي از بولادى. وسى جونىنەن العاندا، سالماق قوسقىسى كەلمەيتىندەرگە بالىق تاپتىرماس تاعام ءتۇرى.
- دەنە جاتتىعۋلارىمەن اينالىسۋ. اۋىز اشقاننان كەيىنگى كەشكى ۋاقىت - رامازان ايىندا جاتتىعۋ جاساۋ ءۇشىن جاقسى ءسات. ويتكەنى ىستىق قايتىپ، سالقىن تۇسەدى. دەنەدەگى سۇيىقتىقتاردىڭ ازايۋىنا الىپ كەلمەيدى. ءار كۇنى اۋىز اشىپ بولعاننان كەيىن 2-3 ساعاتتان كەيىنجارتى ساعات دەنە جاتتىعۋلارىمەن اينالىسۋعا ءمان بەرىڭىز. دەنە جاتتىعۋلارى اس قورىتۋ جۇيەسىنىڭ جەڭىل جۇمىس ىستەۋىن قامتاماسىز ەتەدى. جينالعان مايلاردان ارىلتادى. ورازا بويى سالماق قوسپاۋعا كومەكتەسەدى.
- جەمىس-جيدەكءتى كوبىرەك جەۋ. جاڭا پىسكەن جەمىستەر دەنەنى ءارتۇرلى ۆيتاميندەرمەن، مينەرالدارمەن جانە تالشىقتارمەن قامتاماسىز ەتەدى. سونداي-اق، اس قورىتۋ جۇيەسىنىڭ دۇرىس جاساۋىنا كومەك بەرەدى. جەمىس-جيدەكتەردى تاماقتانۋ اراسىندا، اشىققانىن سەزگەن كەزدە جەگەن جاقسى. وسىلايشا قارنى تويعانىن سەزىنىپ، ارتىق تاعام جەۋدەن تەجەلەدى. سونىڭ ناتيجەسىندە، ارتىق سالماق قوسۋدان ساقتانعان بولادى.
