Orazada salmaq qospaýdyń 8 joly

2231
Adyrna.kz Telegram

Adyrna ulttyq portaly islam.kz saıtyna silteme jasap Ramazan aıynda salmaq qospaý joldary týraly habarlaıdy.

  1. Tamaqty ortasha mólsherde jeý. 16-17 saǵat esh nár tatpaǵan adamnyń qatty ashyǵatyny tabıǵı jaǵdaı. Biraq bul kóp mólsherde tamaq ishý kerek degendi bildirmeıdi. Endeshe, tábetińizdi tejep, aýyz ashqanda bolsyn, sáreside bolsyn, ortasha mólsherde as ishýge daǵdylanǵan jón. Bulaı isteýińiz – sizdi oraza aıy boıy artyq salmaq qosýdan saqtaıdy.
  2. Asty jaqsylap shaınap jeý kerek (Mysaly, 40 márte shaınasa bolady). Asty uzaq shaınap jeý – qomaǵaılanýdy tejeýge kómektesedi. Ol – asqazannyń mıdaǵy toıymdylyq júıesine, «artyq as jeýden toqtaı turý» kerektigi jóninde sıgnaldar jibere alýyna qajetti ýaqyt beredi. Bul, óz kezeginde, Ramazan aıy boıy artyq salmaq qosýdan saqtanýyńa járdemshi. (Óıtkeni uzaq shaınaý adamdy tez toıdyryp, az tamaq jeýge ákep soǵady. Sonyń nátıjesinde semizdik aýrýyna shaldyǵý qaýipin tómendetken bolady).
  3. Aýyz asharda as jemesten buryn sý ish. Dıetolog mamandar, aýyz ashar sátinde áýeli eki shyny (stakan) sý ishý kerektigin aıtady. Bul – asqazannyń tolǵandyǵyn jáne toıǵandyǵyn sezýge kómek beredi. Sondaı-aq aýyz asharda sý ishý – jınalǵan maılardyń joıylýyna jáne deneniń toksınderden arylýyna járdem etedi. Al bul - salmaq qospaýǵa kómekshi.
  4. Suıyq tamaqty kóbirek ishý. Ramazan raıony suıyq tamaqtarsyz bolmaıdy. Suıyq tamaqtar óte paıdaly. Sol sebepti oraza aıy boıy suıyq tamaqtarmen dos bolý keńes etilgen. Artyq salmaq qosýdan saqtaıtyn sorpa túrleriniń biri – kókónis sorpasy men jasymyq sorpasy (chechevıa). Al kremdi-kilegeıli sorpany qysqartyńyzdar. Óıtkeni olar kalorııasy joǵary taǵam túrlerine jatady.
  5. Kóp salat jeńiz. Salmaq tastaǵysy keletin kisiler Ramazan aıynda ár kúni salat jep turýy tıis. Sebebi salattar, adam aǵzasy qajet etetin kóptegen vıtamınder men mıneraldardy jáne paıdaly talshyqtardy qamtıdy. Jáne salattyń quramynda kalorııa az.
  6. Balyq jeý. Aptasyna eki ret balyq jep turǵan paıdaly. Balyqtar joǵarǵy mólsherde Omega-3 maı qyshqylyn qamtıdy. Onyń esesine balyqtarda maı az bolady. Osy jóninen alǵanda, salmaq qosqysy kelmeıtinderge balyq taptyrmas taǵam túri.
  7. Dene jattyǵýlarymen aınalysý. Aýyz ashqannan keıingi keshki ýaqyt - Ramazan aıynda jattyǵý jasaý úshin jaqsy sát. Óıtkeni ystyq qaıtyp, salqyn túsedi. Denedegi suıyqtyqtardyń azaıýyna alyp kelmeıdi. Ár kúni aýyz ashyp bolǵannan keıin 2-3 saǵattan keıinjarty saǵat dene jattyǵýlarymen aınalysýǵa mán berińiz. Dene jattyǵýlary as qorytý júıesiniń jeńil jumys isteýin qamtamasyz etedi. Jınalǵan maılardan aryltady. Oraza boıy salmaq qospaýǵa kómektesedi.
  8. Jemis-jıdekti kóbirek jeý. Jańa pisken jemister deneni ártúrli vıtamındermen, mıneraldarmen jáne talshyqtarmen qamtamasyz etedi. Sondaı-aq, as qorytý júıesiniń durys jasaýyna kómek beredi. Jemis-jıdekterdi tamaqtaný arasynda, ashyqqanyn sezgen kezde jegen jaqsy. Osylaısha qarny toıǵanyn sezinip, artyq taǵam jeýden tejeledi. Sonyń nátıjesinde, artyq salmaq qosýdan saqtanǵan bolady.
Pikirler