اي سايىن 2 ميلليون ادام ۆاكتسيناتسيالانۋى كەرەك. بۇل تۋرالى ۇكىمەت وتىرىسىندا قر پرەمەر-ءمينيسترى اسقار مامين ءمالىم ەتتى، دەپ حابارلايدى "ادىرنا" ۇلتتىق پورتالى.
«ۆاكتسيناتسيالاۋ گرافيگى ناقتى ساقتالسىن جانە ءساۋىر ايىندا، سونداي-اق مامىر مەن ماۋسىم ايلارىندا، جوسپار بويىنشا اي سايىن 2 ملن ادامدى ۆاكتسيناتسيالاۋ قامتاماسىز ەتىلسىن. سوندىقتان دەنساۋلىق ساقتاۋ مينيسترلىگى مەن اكىمدىكتەرگە قوعامدىق ورىنداردى، سونىڭ ىشىندە ساۋدا ورتالىقتارىن پايدالانا وتىرىپ، ۆاكتسيناتسيالاۋدىڭ قولجەتىمدىلىگىن قامتاماسىز ەتۋدى تاپسىرامىن»، – دەدى ا. مامين.
حالىق ءۇشىن ۆاكتسينانىڭ ماڭىزى تۋرالى ءتۇسىندىرۋ جۇمىستارىن كۇشەيتۋ قاجەت ەكەندىگىن دە باسا ايتتى.
«قوعام تەك سانيتارلىق نورمارلاردى ساقتاۋ جانە ۆاكتسيناتسيالاۋ عانا پاندەميانىڭ تارالۋىن توقتاتىپ، ەكونوميكانىڭ ءوسۋىن قامتاماسىز ەتە الاتىنىن ءتۇسىنۋى كەرەك»، – دەدى ۇكىمەت باسشىسى.
"ادىرنا" ۇلتتىق پورتالى
