Búginnen bastap áıelderge arnalǵan «Umaı» ıpotekasy iske qosyldy. Bul týraly «Otbasy bankiniń» baspasóz qyzmeti málimdedi, dep habarlaıdy "Adyrna" ulttyq portaly.
Jańa baǵdarlama nesıeni 15% bastapqy jarnamen nemese depozıtke salym salmaı-aq rásimdeýge múmkindik beredi.
«Baǵdarlama boıynsha nesıe mólsherlemesi 12% jáne aldaǵy ýaqytta, ıaǵnı turǵyn úı zaemyna aýsqan kezde nesıe mólsherlemesi 3,5%-ǵa deıin tómendeıtin bolady. Baǵdarlama boıynsha turǵyn úıdiń eń joǵarǵy quny – 30 mln teńgege deıin. Baǵdarlamaǵa qatysý úshin otbasynyń jalpy tabysy 320 myń teńgeden aspaýy tıis», - delingen habarlamada.
«Umaı» áıelder ıpotekasy boıynsha qarajatty turǵyn úıdi alǵashqy nemese qaıtalama naryqtan satyp alýǵa da, jyljymaıtyn múlikti jóndeýge de paıdalanýǵa bolady.
Jóndeý jumystaryna 3 700 000 teńgege deıin alýǵa bolady. Shart boıynsha klıent jóndeý júrgiziletin turǵyn úıdiń menshik ıesi nemese birneshe menshikteriniń biri bolýy tıis. Nesıe rásimdeýshiniń atynda baspana bar-joǵy tekserilmeıdi.
Eger klıenttiń tabysy jetkiliksiz bolsa onda kez kelgen 1 nemese 2 adamdy qosa qaryz alýshy retinde shaqyrýyna bolady. Al nesıeniń eń uzaq merzimi – 25 jyl.
"Adyrna" ulttyq portaly
