11 ءساۋىر، جەكسەنبىدە ساۋد ارابياسىنىڭ جوعارعى سوتى بۇل كۇنى جاڭا ايدىڭ تۋعانىن ەشكىم كورە الماعان سوڭ پارسى شىعاناعى ەلدەرىندەگى مۇسىلماندار ءۇشىن قاسيەتتى رامازان ايى دۇيسەنبىدە باستالمايتىنىن بەلگىلەدى. بۇل تۋرالى ساۋد ارابياسىنىڭ SPA جاڭالىقتار اگەنتتىگى تاراتقان سوت حابارلاماسىندا ايتىلعان، - دەپ حابارلايدى Tengrinews.kz تىلشىسى ريا نوۆوستي پورتالىنا سىلتەمە جاساپ.
"جاڭا جارتى ايدىڭ پايدا بولۋىن بايقاۋ مۇمكىن ەمەس بولعاندىقتان سوت رامازان ايىنىڭ باستالۋى تۋرالى شەشىم قابىلداۋ ءۇشىن ەرتەڭ كەشكە جينالادى", - دەلىنگەن حابارلامادا.
ساۋد ارابياسىنىڭ بۇل ماسەلەدەگى پىكىرىن كوپتەگەن باسقا اراب ەلى ۇستانادى، دەگەنمەن ولاردىڭ ارقايسىسى ءوز استرونومدارى مەن تەولوگتارىنىڭ ەسەبىنە سۇيەنەدى.
دەگەنمەن، دۇيسەنبىدە ورازا ايى مىسىر، يراك، تۋنيس، ليۆان، كۋۆەيت، يەمەن، ومان، ءباا-دە باستالمايدى.
بۇل ەلدەردە دۇيسەنبىدە اي تۋعانى كورىنبەسە، رامازان كوپتەگەن اراب ەلىندە سەيسەنبىدە 30 كۇننەن تۇراتىن شاابان ايى اياقتالعاننان كەيىن پايدا بولۋى مۇمكىن، دەگەنمەن كەيبىر ەلدە، سونىڭ ىشىندە ساۋد ارابياسىندا شاڭدى اۋا رايىنا بايلانىستى شاابان ايىنىڭ باستالۋ كۇنىنە كۇمان بار. سوندىقتان رامازان سارسەنبىگە دە بەلگىلەنۋى مۇمكىن.
