قاسىم-جومارت توقاەۆ قازاقستاندىقتاردى رامازان ايىنىڭ باستالۋىمەن قۇتتىقتادى

3091
Adyrna.kz Telegram

قازاقستان پرەزيدەنتى قاسىم-جومارت توقاەۆ قازاقستان حالقىن قاسيەتتى رامازان ايىنىڭ باستالۋىمەن قۇتتىقتادى، - دەپ حابارلايدى "ادىرنا" ءتىلشىسى.

"قۇرمەتتى وتانداستار! سىزدەردى مۇسىلماندار ءۇشىن قاسيەتتى رامازان ايىنىڭ باستالۋىمەن شىن جۇرەكتەن قۇتتىقتايمىن! ءدىندارلار وسىناۋ جارقىن ۋاقىتتى رۋحاني تازارۋعا، ءوزىن-ءوزى جەتىلدىرۋگە جانە يگى ىستەرگە ارنايدى. رامازان ايى تۇراقتى ادامگەرشىلىك قۇندىلىقتاردى: قايىرىمدىلىق، مەيىرىمدىلىك، ىزگىلىكتى الىپ جۇرەدى. ۇلت بىرلىگىن، ەلدەگى تىنىشتىق پەن كەلىسىمدى نىعايتۋدا يسلام ءدىنىنىڭ گۋمانيستىك مۇراتتارىنىڭ ماڭىزى زور. حالقىمىزدىڭ بىرلىگىنىڭ ارقاسىندا قانداي قيىندىقتى دا جەڭىپ،بولاشاققا نىق سەنىممەن قارايمىز. ورازا كۇندەرى قۋانىش پەن تىنىشتىققا تولى بولسىن! بارلىق ازاماتتارعا دەنساۋلىق، باقىت جانە اماندىق تىلەيمىن!" – دەدى مەملەكەت باسشىسى.

ەسكە سالايىق، 2022 جىلى رامازان 2 ساۋىردە باستالىپ، 1 مامىردا اياقتالادى. ورازا 30 كۇنگە سوزىلادى. 2 مامىردا قازاقستان مۇسىلماندارى ورازا ايت مەرەكەسىن تويلايدى.

"ادىرنا" ۇلتتىق پورتالى

پىكىرلەر