قىرعىز دەپۋتاتتارى بەتىن جاۋىپ تۇراتىن كيىم كيۋگە جانە كولەمدى ساقال قويۋعا تىيىم سالۋدى ۇسىندى. زاڭعا ەنگىزىلگەن ءتيىستى تۇزەتۋلەر قازىردىڭ وزىندە قوعامدىق تالقىلاۋعا شىعارىلدى، دەپ حابارلايدى "ادىرنا" پورتالى 24.kz سايتىنا سىلتەمە جاساپ.
نەگىزدەمەدە اتاپ وتىلگەندەي، زاڭ جوباسى «قاۋىپسىزدىكتى قامتاماسىز ەتۋ قاجەتتىلىگى مەن جەكە باسىن سايكەستەندىرۋ جانە ازاماتتاردىڭ قۇقىقتارىن ساقتاۋ اراسىنداعى تەڭگەرىمدى ساقتاۋعا» باعىتتالعان.
«ول مەملەكەتتىك ورگانداردىڭ قوعامدىق ورىنداردا جەكە باسىن سايكەستەندىرۋدى شەكتەيتىن پارانجا (بەتتى جاباتىن مۇسىلماندىق كيىم) جانە كولەمدى ساقال تاعۋدىڭ الدىن الۋ جانە جولىن كەسۋ ءۇشىن ازىرلەنگەن. ايتا كەتۋ كەرەك، مۇنداي زاڭدار ادام قۇقىقتارىنىڭ نەگىزگى قاعيداتتارىن، سونىڭ ىشىندە جەكە ومىرگە قول سۇعىلماۋشىلىق پەن جەكە باس بوستاندىق زاڭىن قۇرمەتتەۋگە ءتيىس»، - دەلىنگەن قۇجاتتا.
قوسا كەتسەك، شەتەلدىكتەر مەن ديپلوماتتاردىڭ ساقالدارىنا قاتىستى تىيىم سالۋ ولارعا قولدانىلمايدى.
