جىل باسىنان بەرى جول پوليتسياسى كولىك جۇرگىزۋ كەزىندە ماس كۇيدە رولگە وتىرعان 461 جۇرگىزۋشىنى ۇستادى. جول ەرەجەسىن بۇزۋشىلارعا قاتىستى 15 تاۋلىككە قاماۋدان 7 جىلعا جۇرگىزۋشى كۋالىگىنەن ايىرۋعا دەيىنگى اكىمشىلىك شارالار قولدانىلدى، دەپ حابارلايدى "ادىرنا" ۇلتتىق پورتالى رolisia.kz سايتىنا سىلتەمە جاساپ.
پوليتسەيلەر ماس كۇيىندە كولىك جۇرگىزگەنى ءۇشىن جازانىڭ قاتاڭداتىلعانىنا قاراماستان، ماس جۇرگىزۋشىلەر سانى ازايماي وتىر دەيدى.
«پراكتيكا كورسەتكەندەي، ماس جۇرگىزۋشىلەر اۋىر زارداپتارعا اكەلەتىن ۇلكەن كولىك اپاتتارىنا كىنالى. ولار جاۋاپكەرشىلىكتەن جالتارعىسى كەلەدى. بىراق بۇل جەردە اقتالۋدىڭ قاجەتى جوق، ەگەر ءبارى ماس بولاتىن نارسەنى قولدانعىسى كەلسە، وندا رولگە وتىرۋدى ۇمىتۋ كەرەك.ونىڭ تۇزەتىلمەيتىن سالدارى بولۋى مۇمكىن. شىندىققا تۋرا قاراساق، ماس كۇيىندە كولىك جۇرگىزگەن ادام - قىلمىسكەر»، دەدى الماتى قالاسى جپ اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.
