استانادا «Asia Park» ساۋدا ورتالىعىندا قويمەن قىدىرىپ، اۆتوبۋسقا جانۋارمەن بىرگە كىرمەك بولعان بلوگەر قاماۋعا الىندى. پوليتسەيلەر ونىڭ بۇل ارەكەتىن بۇزاقىلىق دەپ باعالاپ، جاس جىگىتتى بەس تاۋلىككە اكىمشىلىك قاماۋعا الۋ تۋرالى ۇكىم شىعاردى، دەپ حابارلايدى «ادىرنا» ۇلتتىق پورتالى.
ەلوردالىق شوپانعا دا جانۋارعا قاتىگەزدىك كورسەتكەنى ءۇشىن ايىپپۇل سالىندى. ونىمەن قوسا جانۋار قوعامدىق ورىندى لاستاعانى ءۇشىن 17 مىڭ تەڭگە تولەۋگە مىندەتتەلدى.
«بلوگەردىڭ ارەكەتى قوعامدىق ءتارتىپتى بۇزۋعا اكەلدى. ول قر اقبتك-ءنىڭ 434-بابى «ۇساق بۇزاقىلىق» بويىنشا اكىمشىلىك جاۋاپكەرشىلىككە تارتىلىپ، 5 تاۋلىككە قاماۋعا الىندى. سونىمەن قاتار وعان اقبتك-ءنىڭ 434-2-بابى بويىنشا قوعامدىق ورىنداردى لاستاعانى ءۇشىن، اقبتك-ءنىڭ 407-1-بابىنىڭ 1-بولىگى بويىنشا جانۋارلارعا قاتىگەزدىك كورسەتكەنى ءۇشىن 5 اەك مولشەرىندە ايىپپۇل سالىندى»، - دەپ حابارلادى استانا پوليتسياسى دەپارتامەنتى.
«ادىرنا» ۇلتتىق پورتالى
