كەشە تۇندە تاراز بەن بىشكەك تۇرعىندارى اسپاندا جارقىراعان ءبىر زاتتى بايقادى. كوبىسى ونى مەتەوريت دەپ بولجادى. قىرعىز اقپارات قۇرالدارى وزدەرىنىڭ توتەنشە جاعدايلار مينيسترلىگى اپات بولعان جەردى ىزدەپ جاتىر دەپ حابارلادى. قازاقستاننىڭ توتەنشە جاعدايلار مينيسترلىگى ەلدىڭ وڭتۇستىگىندە داعدارىستىق جاعدايلار دەپارتامەنتىنە ەشقانداي ۇرەيلى حابارلاما كەلمەگەنىن حابارلادى. ۆ.گ.فەسەنكوۆا اتىنداعى استروفيزيكالىق ينستيتۋتتا، ونىڭ قانداي قۇبىلىس بولۋى مۇمكىن ەكەندىگى ايتىلدى، دەپ حابارلايدى "ادىرنا" ۇلتتىق پورتالى zakon.kz-كە سىلتەپ.
بۇل اقپاراتقا سايكەس، الماتى، جامبىل، تۇركىستان وبلىستارى، الماتى جانە شىمكەنت قالالارىندا كريزيستىك جاعدايلار دەپارتامەنتى، سونداي-اق ۇلتتىق قاۋىپسىزدىك كوميتەتى مەن قورعانىس مينيسترلىگى دەپارتامەنتى اقپارات العان جوق، - دەدى قر توتەنشە جاعدايلار مينيسترلىگى.
ۆ.گ.فەسەنكوۆا اتىنداعى استروفيزيكالىق ينستيتۋتتىڭ اي جانە پلانەتالار فيزيكاسى زەرتحاناسىنىڭ مەڭگەرۋشىسى، قازاقستاندىق استرونوميا عالىمى، فيزيكا-ماتەماتيكا عىلىمدارىنىڭ دوكتورى - ۆيكتور تەيفەل اسپانداعى «وتتى» قۇبىلىستىع نە ەكەندىگىنە سيپاتتاما بەرىپ ءوتتى.
ىلەسپە دىبىستاردىڭ جوقتىعىنا، قىسقا «قۇيرىققا» جانە سوڭىندا ءسونىپ بارا جاتقان جارقىلعا قاراعاندا، بۇل جارقىن مەتەور بولۋى مۇمكىن. مەتەوريت ەمەس، جەرگە قۇلاپ كەتەتىن تاس ەمەس. تەك وتە جارقىن مەتەور نەمەسە وتە كىشكەنتاي مەتەوريت، مىسالى، شيەدەي مولشەردە. مۇنداي كىشىگىرىم مەتەوريالىق، اتموسفەراعا جىلدامدىقپەن ەنگەندە جانە ونداعى جىلدامدىق سەكۋندىنا ونداعان شاقىرىمدى قۇرايدى، قىزادى جانە قاتتى جارقىرايدى. بۇل ەڭ ىقتيمال تۇسىندىرمە . جەرگە قۇلاۋ جاعدايى مۇمكىن بولمادى. ءسىرا، ول اتموسفەراعا ەنگەن كەزدە ىدىرادى، دەدى ۆيكتور تەيفەل.
ول سونداي-اق اتموسفەراعا ەنگەن دەنەنى «ورتەنىپ كەتتى» دەۋ مۇلدەم دۇرىس ەمەس ەكەنىن اتاپ ءوتتى. ويتكەنى «مەتەوريتتەر جانبايدى، ولار قىزادى، ال ۇلكەندەرى ىشكى جىلۋدان جارىلۋى مۇمكىن", دەپ قوستى ول.
"ادىرنا" ۇلتتىق پورتالى
