الماتىدا عالىم-فيزيك، اكادەميك ايسۇلتان قالىباەۆ 80 جاسقا قاراعان شاعىندا ومىردەن وزدى، دەپ حابارلايدى "ادىرنا" ۇلتتىق پورتالى 24.kz ارناسىنا سىلتەمە جاساپ.
ايسۇلتان قالىباەۆتىڭ ەسىمى قازاقستاننىڭ عارىش سالاسىنداعى جەتىستىكتەرىمەن تىعىز بايلانىستى. 1990-جىلداردىڭ ورتاسىندا ول ۇلتتىق اەروعارىش اگەنتتىگىن باسقاردى جانە قازاقستاندىق عارىشكەر تالعات مۇساباەۆتىڭ «مير» وربيتالىق ستانتسياسىنا جاساعان ەكى ۇشۋ باعدارلاماسىنا جەتەكشىلىك ەتتى.
ايسۇلتان ابدۋللاۇلى ءال-فارابي اتىنداعى قازاق ۇلتتىق ۋنيۆەرسيتەتى فيزيكا فاكۋلتەتىنىڭ تۇلەگى. ونىڭ عىلىمي باعىتى اسپان مەحانيكاسى مەن عارىشتىق ۇشۋ ديناميكاسىنا ارنالعان. العاشقى ديسسەرتاتسياسىن 1979 جىلى قورعاپ، جەر پوليۋستەرىنىڭ قوزعالىسىن زەرتتەگەن. كەيىن زىمىران قوزعالتقىشتارىنىڭ تيىمدىلىگىن ارتتىرۋ ماسەلەلەرىمەن اينالىستى.
عالىم ماتەماتيكا، نانوتەحنولوگيا جانە قورعانىس ونەركاسىبى سالالارىندا ىرگەلى ەڭبەكتەر جازعان. ول 100-دەن استام عىلىمي جۇمىس پەن 30-عا جۋىق پاتەنتتىڭ اۆتورى، ونىڭ ىشىندە حالىقارالىق دەڭگەيدەگى پاتەنتتەرى بار. سونىمەن قاتار، الەمنىڭ بىرقاتار جەتەكشى ۋنيۆەرسيتەتتەرىنىڭ قۇرمەتتى پروفەسسورى اتانعان.
مارقۇممەن قوشتاسۋعا ارىپتەستەرى، دوستارى جانە شاكىرتتەرى جينالدى.
