دانيار دەگەن باۋىرىمنىڭ اقش -تا جۇرگەنىنە ءۇش جىل بولدى. اقش-تىڭ فيلادەلفيا شتاتىندا جۇمىس جاسايدى. ول قازاقستانعا ءبىر كەلگەنىندە ماعان:
-مەن ەندى قازاقستاندا جۇمىس جاساي المايتىن شىعارمىن، دەگەن ەدى.
ول اقش-تىڭ كەرەمەت اۋراسىندا جۇمىس جاساپ ۇيرەنىپ قالدى. دانياردىڭ كوزقاراسى بىزگە مۇلدەم ۇقسامايدى. وتە ەركىن، تاڭداۋى كەرەمەت. قيمىلى شيراق. جانارىندا بولاشاققا دەگەن تالپىنىس پەن وت جانىپ تۇر. بۇل جاقتا تىراشتانىپ، دەپرەسسياعا ۇرىنىپ، قاعىلىپ - سوعىلىپ ءبىر ايدا تاپقان تيىن تەبەندى ول جاقتا از عانا ۋاقىتتىڭ ىشىندە ەسەسىمەن ەمىن-ەركىن جۇمىس ىستەپ تابا الادى. اقش-تاعى جۇمىسى جايىندا دا كەيدە سويلەسەمىن.
ەلاماندەگەن ءىنىم بار. وتە پىسىق. ول وڭتۇستىك كورەيادا كۇن باتارەيالارىن شىعارىتىن، مونتاجدايتىن زاۆوتدا جۇمىس ىستەدى. تابىسى وتە جاقسى. سودان تاجىريبە جيناپ الىپ، ەۋروپانىڭ ۆەنگرياسىنا اتتانىپ كەتتى. قازىر سول جاقتا شىنى زاۆودىندا جۇمىس ىستەپ جاتىر. قوزعالىستارى ەمىن-ەركىن. تابىستارى دا تاماشا. قازىر ەلگە قايتپايمىز دەپ وتىر. مەنىڭشە سوندا ىستەپ جۇرە بەرگەنى وتە جاقسى. نە قىلادى ەلگە كەلىپ، جۇرە مە اركىمنىڭ يتتىگىنە كونىپ... ءبىزدىڭ قوعام سونداي قوعام.
نەگىزى كەتۋ كەرەك. شەتەلدە جۇمىس ىستەۋ كەرەك. جان-جاققا كەڭ ماسشتابتا قاراۋىمىز كەرەك. قازاققا وسىلاي جۇمىس جاساعان ءتيىمدى سياقتى. دەپرەسسيا مەن نەگاتيۆتەن شىعۋىمىز كەرەك. نيگيليستىك كوزقاراستى وزگەرتۋىمىز كەرەك. ويبايلاعاننان ەشتەڭە شىقپايدى. كەرى كەتە بەرەمىز. كاممۋنيستىك قارا توبىر، نادان سانادان وسىنداي جاستار عانا قۇتقارادى.
كەيىنگى جاستاردىڭ قادامى مۇلدەم بولەك. بۇلار ەركىن ءارى تاڭداۋى دا مىقتى. نە بولسىن سوعان باس اۋىرتپايدى. تاڭداعان مەملەكەتىنە بارا الادى. تەك وزدەرىنىڭ نە ىستەيتىنىن انىقتاپ الادى. مەنىڭشە ەڭ دۇرىسى وسى. دامۋ سوندا عانا بولادى. ءبىزدىڭ جاستاردىڭ وسىلاي كەڭىنەن اشىلعانى دۇرىس. كەڭىنەن اشىلماسا، نە بار مىناۋ دەپرەسسياعا باتىپ، جولىڭدى اشتىرمايتىن قوعامدا؟ دەمەك، بۇلاردىڭ تاڭداۋىن مەن قولدايمىن.
ميىڭدى مىڭ اقپارات سورپا بولىپ جاتسا، سىزدە قايداعى ەركىندىك پەن تاڭداۋ بولادى...؟ ءبىز سولاي دالباسالاپ جۇرگەن قوعامبىز. ابدەن رۋحاني ەزگىگە تاپ بولىپ، تاريحي جادىمىزدى جوعالتىپ العانبىز. بىزگە ەندى جاڭارۋ كەرەك. ءبارى جاڭارۋ كەرەك. ءبارىن باسىنان باستاۋ كەرەك. جاڭا كوڭىل كۇيمەن باستاۋ كەرەك. قازىرگى دالباساگەرشىلىك ءجۇرىسىمىز دە ءوزىمىزدىڭ تاڭداۋىمىز. الداعى ۋاقىتتى دۇرىس تاڭداۋ جاساپ ەل بولاماز نەمەسە قۇل بولىپ وسىلاي كوندىگىپ ءومىر كەشەمىز. وسى عانا.
بەكبولات قارجان،
"ادىرنا" ۇلتتىق پورتالى
