كەنەسارى حاننىڭ باس سۇيەگى تابىلدى

13494
Adyrna.kz Telegram

قازاقستانعا كەنەسارى حاننىڭ باس سۇيەگىن قايتارماقشى. بۇل تۋرالى Facebook پاراقشاسىندا تاريحشى زيابەك قابۋلدينوۆ ءمالىم ەتتى، دەپ حابارلايدى “ادىرنا” ۇلتتىق پورتالى.

”مەن ۇلى حاننىڭ باس سۇيەگىن قايتارۋ ءۇشىن قۇرىلعان ساراپشىلار كوميسسياسىنىڭ قۇرامىنا كىردىم. بۇگىننەن باستاپ ۇلتتىق تاريحىمىزدىڭ مۇلدە جاڭا كەزەڭى باستالادى. بۇگىن ىنتىماعى جاراسقان ەكى مەملەكەت رەسەي مەن قازاقستان اراسىنداعى قارىم-قاتىناس تاريحىندا جاڭا دەڭگەيگە وتەمىز، دوستىعىمىز ودان ءارى نىعايىپ، بەيبىت قارىم-قاتىناس تەرەڭدەي تۇسپەك.

مەن رەسەيدىڭ مادەنيەت مينيسترلىگى تاراپىنان كەنەسارى حاننىڭ باسسۇيەگىن قايتارۋ جۇمىستارى بويىنشا رەسەيلىك ساراپشىلار كوميسسياسىنىڭ قۇرامىنا شاقىرتۋ الدىم. كەلىستىم. ءسۇيىنشى! كەنەسارى حاننىڭ باسسۇيەگى تابىلدى! مەن ونىڭ قالاي تابىلعانى نەمەسە ونىڭ قاي جەردە جاتقانى تۋرالى نازىك نارسەلەردى جەتكىزە المايمىن. ول بەلگىلى ءبىر رەسميلىكتى تالاپ ەتەدى جانە ول ديپلوماتيالىق دەڭگەيدەگى دۇنيە.

بىراق بۇل باستامانى رەسەيدىڭ جوعارى بيلىك وكىلدەرى كوتەرىپ وتىرعانى انىق!”، – دەپ جازدى تاريحشى زيابەك قابۋلدينوۆ.

پىكىرلەر