قاراعاندى وبلىسىنىڭ اتىشۋلى شاحان كەنتىندە قازاندىق داۋى بىتەر ەمەس. تۇرعىندار جىلۋ ورتالىعى ەندى ىسكە قوسىلادى-اۋ دەگەندە، ونىڭ اقىسىن قالتالارى كوتەرمەيتىنىن بىلگەن. ءار پاتەرگە جىلۋ جەتكىزۋ ءۇشىن مەردىگەرلەر 200 مىڭنان 500 مىڭ تەڭگەگە دەيىن سۇراعان. ال قاراپايىم حالىق بۇل سومانى قايدان تابارىن بىلمەيدى، دەپ حابارلايدى استانا تەلەارناسى.
الپىستى القىمداعان يۋري الكين 30 جىل شاحتادا جۇمىس ىستەگەن. جىلدار بويى پەش جاعىپ، باسپاناسىن جىلىتىپ ءجۇر. قازاندىق سالىنىپ، وعان قوسىلامىز دەپ جۇرگەندە، ورتالىقتان تاراعان جىلۋدى باسپاناسىنا تارتۋ ءۇشىن 500 مىڭ تەڭگە تولەۋى كەرەك ەكەنىن بىلگەن. زەينەتكەر قوماقتى قارجىنى قايدان الارىن بىلمەيدى.
"500 مىڭ تەڭگەنى تاۋىپ بەرە المايتىنىم انىق. الاتىنىم 90 مىڭ. مەن ءومىر بويى ءوز كۇشىمە عانا سەنگەن اداممىن. سونشاما اقشانى جيناۋ مەن ءۇشىن مۇمكىن ەمەس", – دەيدى شاحان كەنتىنىڭ تۇرعىنى.
وسىلايشا قازاندىق سالىنعانىمەن ونىڭ جىلۋى قولجەتىمسىز ەكەنىن بىلگەن جۇرتتىڭ بيلىككە وكپەسى قارا قازانداي. بۇعان دەيىن شەنەۋنىكتەر ءار پاتەرگە جىلۋ تارتۋ ءۇشىن 200 مىڭ تەڭگەدەن 500 ءجۇز مىڭ تەڭگەگە دەيىن اقشا تولەيتىندەرىن ايتقان. شاحاندىقتار بۇل سومانى حالىقتىڭ قالتاسى كوتەرمەيتىنىن العا تارتادى.
"235 مىڭنان 500 مىڭعا دەيىن دەگەن نە سۇمدىق. بارىندە 4-5 بالادان بار. ەندى نە ىستەيىك؟ ۇكىمەت قايدا قاراپ وتىر؟ تۇرعىنداردىڭ جارتىسى تولەي المايدى", – جەرگىلىكتى تۇرعىن اقمارال احمەتوۆا.
بيلىك وكىلدەرىنىڭ ايتۋىنشا، اتى شۋلى قازاندىق 2 ملرد تەڭگەدەي قاراجاتقا سالىنعان. كەنتتەگى 11 الەۋمەتتىك نىسان وعان تەگىن قوسىلادى. ال قالعان جۇزگە جۋىق ءۇي تۇرعىندارى ورتالىق قازاندىقتان جىلۋدى ءوز كۇشىمەن تارتىپ الۋى ءتيىس. بۇل شىعىندى ۇكىمەت كوتەرە المايدى.
"ۇكىمەت ءوز اقشاسىنا ءۇيدىڭ ىشىنە ىستەپ بەرە المايدى. مىنە، قازاندىق سالىپ، جىلۋ جەلىسىن تارتىپ جاتىر. ءبارى دايىن بولعاندا ۇيىنە دەيىن كىرگىزىپ، قوسىپ بەرەمىز. ياعني، قوسىپ بەرۋ اقشاسى سونشا شىقتى. سونىمەن قاتار، دەمەۋشىلەر دە ىزدەپ جاتىرمىز. راسىندا دا قيىن جاعدايداعى وتباسىلارعا كومەكتەسەمىز", – دەيدى كەنت اكىمى عالىم ومىربەكوۆ.
