الماتى وبلىسىندا «Worldskills» چەمپيوناتىنا دايىندىق قىزۋ جالعاسۋدا

1619

ەلىمىزدە قازاقستان رەسپۋبليكاسىنىڭ تۇڭعىش پرەزيدەنتى  نۇرسۇلتان نازارباەۆتىڭ جاستار جىلىنىڭ اشىلۋ سالتاناتىندا جاريالانعان تاپسىرماسىنا سايكەس «جاس مامان» جوباسى جۇزەگە اسىرىلۋدا.

جوبانىڭ ماقساتى «جاس مامان» جوباسى شەڭبەرىندە كوللەدجدىڭ ماتەريالدىق-تەحنيكالىق بازاسىن حالىقارالىق تالاپتارعا سايكەس جابدىقتاۋ، سۇرانىسقا يە ماماندىقتاردى جاڭعىرتۋ جانە بىلىكتى مامانداردى دايارلاۋدىڭ حالىقارالىق تاجىريبەسىن ەنگىزۋ ارقىلى رەسپۋبليكالىق جانە حالىقارالىق World Skills چەمپيوناتتارىنا ستۋدەنتتەردى دايىنداۋ بارىسىندا شىعارماشىلىق قابىلەتتەرى مەن قىزىعۋشىلىعىن قولداۋ، جۇمىس داعدىسى مەن تاسىلدەرىن جاڭعىرتۋ.

«جاس مامان» جوباسىنىڭ شەڭبەرىندە  كوللەدجدىڭ وقۋ-وندىرىستىك بازاسى جاڭارتىلدى. ستۋدەنتتەردى سۇرانىسقا يە 100 ماماندىق بويىنشا وقىتۋ ماقساتىندا قاجەتتى زاماناۋي قۇرال-جابدىقتارمەن جابدىقتالدى.  ءىت جانە قۇرىلىس، كوممۋنالدىق شارۋشىلىق باعىتتارى بويىنشا وقۋ كابينەتتەرى مەن شەبەرحانالارى جاڭا تەحنولوگيالارمەن تولىقتىرىلدى. ەندى ستۋدەنتتەر جەلىلىك قۇرىلعىلاردى كونسولدە دە، گرافيكالىق ينتەرفەيستە دە باسقارۋدى ۇيرەنەدى. جاڭا ماتەريالدىق-تەحنيكالىق بازا ەڭبەك نارىعىندا سۇرانىسقا يە بىلىكتى كادرلاردى دايارلاۋعا مۇمكىندىك بەرەدى»،-دەيدى تالدىقورعان جوعارى پوليتەحنيكالىق كوللەدجىنىڭ ديرەكتورى ەرقات بيعاليۇلى.

كوللەدجدەردى جاڭعىرتۋعا ارنالعان جابدىقتاردىڭ ءتىزىمى جەرگىلىكتى اتقارۋشى ورگاندار مەن كوللەدجدەردىڭ ۇسىنىستارىنا، جۇمىس بەرۋشىلەردىڭ تالاپتارى مەن WorldSkills ستاندارت­تار­ىنا سايكەس جاسالادى.  ناتيجەسىندە تالدىقورعان جوڭارى پوليتەحنيكالىق كوللەدجىندە World Skills جاتتىعۋ لاگەرى قۇرىلىپ، ءارتۇرلى دەڭگەيدەگى World Skills چەمپيوناتتارىنا قاتىسۋشىلاردى دايىنداۋعا جانە سەرتيفيكاتتاۋعا مۇمكىندىك بەرىپ وتىر.

باستى وقۋ كورپۋسىنىڭ ءۇشىنشى قاباتىندا جانە وقۋ-وندىرىستىك شەبەرحانالارىندا  ءىت جانە قۇرىلىس، كوممۋنالدىق شارۋشىلىق باعىتتارىنا ارنالعان WorldSkills جاتتىعۋ لاگەرى ورنالاسقان. World Skills جاتتىعۋ لاگەرىندە   ىت باعىتى: «Web-ديزاين جانە ازىرلەۋ»، «پروتوتيپتەۋ»، «گرافيكالىق ديزاين»، «جەلىلىك جانە جۇيەلىك اكىمشىلەندىرۋ»، «اقپاراتتىق كابەلدىك جەلىلەر»، «ءموبيلدى روبوتوتەحنيكا»، «بيزنەسكە ارنالعان IT-شەشىمدەر»، «ەلەكترونيكا»، «ينجەنەرلىك گرافيكا Cad»، «زاتتار ينتەرنەتى»، «بەينەمونتاج»، «ۇشقىشسىز ۇشۋ اپپاراتتارىن باسقارۋ»، «اقپاراتتىق قاۋىپسىزدىك»، «باسپا تەحنولوگياسى» بويىنشا چەمپيوناتقا دايىندايدى.

سونىمەن قاتار قۇرىلىس جانە كوممۋنالدىق شارۋاشىلىق باعىتى بويىنشا: «تاس قالاۋ»،  «سىرلاۋ جانە ساندىك جۇمىستار»، «تاقتايشالارمەن قاپتاۋ»،  «بەتون جۇمىستارى»، «اعاش ۇستا ءىسى»، «قۇرعاق قۇرىلىس جانە سىلاق جۇمىستارى» قۇزىرەتتىلىكتەرىن وقىتۋدا.

الماتى وبلىسىنىڭ ءبىلىم باسقارماسىنىڭ ۇيىمداستىرۋىمەن تالدىقورعان جوعارى پوليتەحنيكالىق كوللەدجىنىڭ بازاسىندا «WorldSkillsTaldykorgan» ايماقتىق كاسىبي شەبەرلىك چەمپيوناتى وتكىزىلگەن بولاتىن. ايماقتىق چەمپيوناتقا  18 كومپەتەنتسيا  بويىنشا وبلىستاعى  15 كوللەدجدەن 99 ءبىلىم الۋشى قاتىستى.

ايتا كەتەيىك، تالدىقورعان جوعارى پوليتەحنيكالىق كوللەدجىنىڭ ستۋدەنتتەرى 16 قۇزىرەتتىلىك بويىنشا ايماقتىق چەمپيوناتتان جۇلدەلى ورنىدار الىپ،  قازىرگى ۋاقىتتا رەسپۋبليكالىق «World Skills  Kazakhstan» چەمپيوناتىندا دايىندىق ۇستىندە.

پىكىرلەر
رەداكتسيا تاڭداۋى