ناۋرىز ايىنان باستاپ 5 600-گە جۋىق ونكولوگيالىق پاتسيەنت covid-19-مەن اۋىرىپ، وسى كەزەڭدە 45-كە جۋىق ادام كوۆيدتەن قايتىس بولدى". بۇل تۋرالى «Jetisy Media» اقپاراتتىق الاڭىندا بەلگىلى بولدى.
الماتى وبلىسىنىڭ وڭتۇستىك ءوڭىرى بويىنشا 2020 جىلعى مالىمەتتەرگە سايكەس، قاتەرلى ىسىكتەرمەن ەسەپتە 9244 پاتسيەنت تىركەلگەن. العاش رەت انىقتالعان قاتەرلى ىسىك دياگنوزىمەن 1481 ادام ەسەپكە الىندى. 2020 جىلى ءى-ءىى ساتىداعى قى العاش انىقتالعان ناۋقاستاردىڭ سانى 846 قۇراسا، ءىV - ساتىداعى قى ەمدەلۋشىلەر 166-عا جەتكەن.
«2020 جىلى تاۋلىكتىك ستاتسيوناردا ەم-دوم قابىلداعاندار مولشەرى 2,8% - عا ارتىپ، 4362 جاعداي انىقتالسا، ال كۇندىزگى ستاتسيوناردا ەمدەلگەندەر سانى - 64,3% - عا ازايىپ، 694 جاعدايدى كورسەتىپ وتىر. كوروناۆيرۋستىق ينفەكتسيانىڭ قالىپتاسقان احۋالىنا جانە كارانتيندى ەنگىزۋگە بايلانىستى كۇندىزگى ستاتسيوناردا ەم الۋشىلار سانى ازايىپ كەلەدى»،- دەدى الماتى ايماقتىق كوپسالالى كلينيكا ديرەكتورىنىڭ ورىنباسارى يگور نوۆيكوۆ.
ۆاكتسيناتسيا قازىرگى جانە بۇرىنعى ونكولوگيالىق ناۋقاستار ءۇشىن قولايلى بولىپ وتىر. قولدا بار covid‑19 ۆاكتسينالارىندا (V سپۋتنيگى، ەپيۆاككورون، Pfizer جانە Moderna) ءتىرى ۆيرۋس جوق، سوندىقتان ولار يممۋندىق جۇيەسى السىرەگەن ادامدار ءۇشىن دە ۇسىنىلادى. ۆاكتسينالار قاتەرلى ىسىك اۋرۋىمەن (حيميوتەراپيا، يممۋنوتەراپيا، گورموندىق تەراپيا، بيولوگيالىق تەراپيا، ساۋلەلىك تەراپيا) بەلسەندى ەمدەلەتىن ادامدار ءۇشىن دە قاۋىپسىز دەپ سانالادى.
وسى رەتتە، ونكولوگتار پاتسيەنتتەردىڭ ەم الۋ شارالارىن ۇزبەۋگە كەڭەس بەرەدى. كوروناۆيرۋسقا قارسى مەرزىمدى سكرينينگ ناۋقاستار اراسىندا COVID-19 تارالۋ قاۋپىن ازايتۋعا مۇمكىندىك بەرەدى.
ايتا كەتەيىك، "الماتى ايماقتىق كوپسالالى كلينيكاسى" شجق كمك جالپى حالىق سانى 1385595 مىڭ ادام (جالپى الماتى وبلىسىنان 67%) قامتيدى، الماتى وبلىسىنىڭ وڭتۇستىك ءوڭىرىنىڭ اۋماعىنداعى 10 اۋدانعا قىزمەت كورسەتەدى.
