ۋكراينانىڭ ءجىو 2022 جىلى 45,1%-عا تومەندەۋى مۇمكىن، دەلىنگەن دۇنيەجۇزىلىك بانكتىڭ ەۋروپا مەن تۇركىستاننىڭ ەكونوميكالىق دامۋ پەرسپەكتيۆالارى تۋرالى ەسەبىندە، دەپ حابارلايدى «ادىرنا» ۇلتتىق پورتالى.
زەرتتەۋ اۆتورلارىنىڭ ايتۋىنشا، ۋكراينانىڭ جالپى ىشكى ءونىمى جىل سوڭىنا دەيىن ەكى ەسەگە دەرلىك – «شامامەن 45,1%-عا» قىسقارادى. ساراپشىلار بۇل بولجامنىڭ ەكونوميكاعا اسەرىنىڭ اۋىرلىعى ۋكرايناداعى قاقتىعىستىڭ ۇزاقتىعى مەن قارقىندىلىعىنا بايلانىستى بولاتىنىن اتاپ ءوتتى.
«ۋكرايناعا تەز ارادا ەلەۋلى قارجىلىق قولداۋ قاجەت، ويتكەنى ول ءوز ەكونوميكاسىن ساقتاپ قالۋ ءۇشىن كۇرەسىپ جاتىر، ال ۇكىمەت زارداپ شەگىپ، توتەنشە جاعدايعا توتەپ بەرىپ جاتقان ۋكراينا ازاماتتارىن قولداۋعا تىرىسۋدا»، دەپ اتاپ ءوتتى دۇنيەجۇزىلىك بانكتىڭ ۆيتسە-پرەزيدەنتى اننا بەردە
دۇنيەجۇزىلىك بانك رەسەيدىڭ ءجىو 2022 جىلى 11,2% دەڭگەيىندە قىسقارادى دەپ بولجايدى.
دۇنيەجۇزىلىك بانك ەسەبىنىڭ اۆتورلارى ۋكرايناداعى قارۋلى قاقتىعىس پەن COVID پاندەمياسىنان ايماق ەكونوميكاسىنا كەلتىرىلگەن شىعىندى سالىستىردى. ولاردىڭ پىكىرىنشە، ۋكرايناداعى وقيعالاردىڭ كەرى اسەرى كوروناۆيرۋستىق پاندەميادان ەكى ەسە جويقىن بولادى.
ايتا كەتەيىك، دۇنيەجۇزىلىك بانك – شتاب-پاتەرى اقش استاناسىندا ورنالاسقان ەڭ ءىرى حالىقارالىق قارجى ۇيىمدارىنىڭ ءبىرى.
”ادىرنا” ۇلتتىق پورتالى
