"قارا تىزىمگە" ەنگەندەر قايتادان نەسيە الا ما؟

1338

نەسيە تاريحى ناشار ازاماتتارعا تاعى ءبىر مۇمكىندىك بەرىلىپ وتىر. بۇل جونىندە قارجى نارىعىن رەتتەۋ جانە دامىتۋ اگەنتتىگىنىڭ وكىلى مالىمدەدى.

باستاما 8 ساۋىردەن باستاپ جۇزەگە اسادى. وعان سايكەس، قايتارۋ مەرزىمى 90 كۇننەن اسقان كرەديتتەر «قالىپقا كەلتىرىلدى» دەگەن مارتەبە الادى. ول ءۇشىن نەسيە جابىلعان كەيىن 12 اي ءوتۋى كەرەك جانە وسى ارالىقتا باسقا پروبلەمالى قارىزدار بولماۋى ءتيىس. ارنايى قۇجاتتاردىڭ قاجەتى جوق. كرەديتتىك بيۋرو ماسەلەنى وزدىگىنەن رەتتەيدى دەدى اگەنتتىك وكىلى.

بۇعان دەيىن، «قارا تىزىمگە» ىلىككەن ازاماتتار تاۋەكەلى جوعارى دەگەن ساناتقا جاتاتىن جانە ولارعا ەشقانداي نەسيە بەرىلمەيتىن. ال قارىزىن ءالى تولەپ بىتپەگەندەر ءۇشىن سوتقا دەيىنگى رەتتەۋدىڭ جاڭا جولدارى قاراستىرىلدى.

ياعني ەكىنشى دەڭگەيلى بانكتەر ءار ادامنىڭ تولەم قابىلەتىن باعامداپ، ونى جابۋعا مۇمكىندىك بەرەتىن كەستە جاسايدى. باسقاشا ايتقاندا، جۇكتەمەنى بارىنشا وڭاتايلى جەڭىلدەتۋ كەرەك دەدى ارنايى مامان.

پىكىرلەر
رەداكتسيا تاڭداۋى