قازاقستاندا قارا جانە ءتۇستى مەتالداردىڭ قالدىقتارىن ەكسپورتتاۋعا تىيىم سالىندى

4402
Adyrna.kz Telegram

قازاقستان رەسپۋبليكاسى يندۋستريا جانە ينفراقۇرىلىمدى دامىتۋ ءمينيسترى 2021 جىلعى 26 ناۋرىزداعى «قارا جانە ءتۇستى مەتالدار سىنىقتارى مەن قالدىقتارىن تاسىمالداۋدىڭ كەيبىر ماسەلەلەرى تۋرالى» بۇيرىققا قول قويدى، دەپ حابارلايدى "ادىرنا" ۇلتتىق پورتالى. بۇل تۋرالى zakon.kz سايتى مالىمدەدى.

اتاپ ايتقاندا، التى اي مەرزىمگە قازاقستان رەسپۋبليكاسىنىڭ اۋماعىنان قارا جانە ءتۇستى مەتالدار سىنىقتارى مەن قالدىقتارىن، سونداي-اق پايدالانىلعان قورعاسىن باتارەيالارىن، قالدىقتار مەن سىنىقتارى بار اككۋمۋلياتورلاردى اۆتوموبيلمەن تاسىمالداۋعا تىيىم سالىندى. سونىمەن قاتار پايدالانىلعان قۇبىرلار، رەلستەر، تەمىرجول جولىنىڭ ەلەمەنتتەرى جانە جىلجىمالى قۇرامداعى:

  • لاستانعان بولاتتىڭ قالدىقتارى مەن سىنىقتارى، ونىڭ ىشىندە كورروزياعا ءتوزىمدى بولات;
  • رەسپۋبليكا اۋماعىنا جوندەۋگە اكەلىنگەن جانە كەرى اكەتىلگەن، سونداي-اق قازاقستان رەسپۋبليكاسىنىڭ اۋماعىنان جوندەۋگە اكەتىلگەن جانە كەرى اكەلىنگەن جىلجىمالى قۇرام ەلەمەنتتەرى.

بۇيرىق 2021 جىلدىڭ 11 ساۋىرىنەن باستاپ كۇشىنە ەنەدى.

"ادىرنا" ۇلتتىق پورتالى

پىكىرلەر