قالا اكىمى ەلىمىزدەگى ەڭ دامۋشى كومپانيالاردىڭ ءبىرى «NURTAU distribution company» جشس-نىڭ جۇمىسىمەن تانىستى.
اتالعان كاسىپورىن «تاسساي» يندۋستريالدى ايماعىندا 1,2 گەكتار اۋماقتا ورنالاسقان. شوكولادتى كامپيت جانە ساعىز وندىرۋمەن اينالىسادى. 60 جاڭا جۇمىس ورنىن قۇرىپ، 2019-2020 جىلدارى قۇرىلىسى جۇرگىزىلىپ، بيىل 100 % ىسكە قوسىلىپ وتىر.
جاڭا كاسىپورىننىڭ وندىرىستىك قۋاتى جىلىنا 1,15 ملن. دانا شوكولاد كامپيتىن، 1,8 ملن. دانا ساعىز كامپيتىن قۇرايدى. سونداي-اق، مەكەمەنىڭ قازاقستان رەسپۋبليكاسىنىڭ بارلىق قالالارىندا وكىلدەرى، ساۋدا كومانداسى مەن الاڭدارى بار.
كومپانيانىڭ نەگىزگى اۋديتورياسى - بالالار. سوندىقتان «وربيت» ەمەس، ساعىز كامپيتتەر ساتىلادى. 12 ءتۇرلى اسسورتيمەنتى بار. مىسالى، الما، بانان، تاڭقۋراي دامىمەن ۇسىنىلادى. بۇل كامپيتتەر مەن ساعىزدار شىمكەنتتە وندىرىلەتىن بولعاندىقتان، شەتەلدىك انالوگتاردان 10% ارزان بولادى.
ونىمدەر «MEXXI» اتاۋىمەن شىعارىلادى. جەرگىلىكتى بازارلار مەن بارلىق دۇكەندەردەن الۋعا بولادى. 70 پايىزى ىشكى نارىقتا، 30 پايىزى ەكسپورتقا جونەلتىلەدى.
شىمكەنت قالاسىنىڭ اكىمى جۇمىسشىلارمەن تىلدەسىپ، جاعدايلارىمەن تانىستى.
- پاندەميا ۇلكەندى-كىشىلى بارلىق كاسىپكەرلىك نىساندارعا ءوزىنىڭ اسەرىن تيگىزدى. بۇل ءوزىن-ءوزى دامىتىپ وتىرعان مەكەمەنىڭ بىرەگەيى. سوندىقتان بۇدان ءارى ءونىم تۇرلەرىن ارتتىرىپ، مەكەمەنى كەڭەيتۋ ماقساتىندا بارىنشا قولداۋ كورسەتەتىن بولامىز. وندىرىلگەن ونىمدەردىڭ قالاداعى ساۋدا ۇيلەرىندە ساتىلۋىنا جاعداي جاساۋ كەرەك، - دەپ سالا باسشىسىنا تاپسىرما بەردى.
ايتا ءوتۋ كەرەك، مۇنداعى مامانداردىڭ كەيبىرەۋلەرى جاڭا جابدىقتا جۇمىس ىستەۋ ءۇشىن ارنايى وقىتۋدان وتكەن. الداعى ۋاقىتتا كومپانيا جۇگەرىدەن جاسالعان، كارامەل جانە تاياقشاداعى قاتتى كامپيتتەر وندىرەتىن جەلىلەردى ىسكە قوسۋدى كوزدەپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
