نۇرسۇلتان نازارباەۆ وردا بۇزار 30 جاسىندا مەديتسينالىق ورتالىقتى باسقارىپ وتىرعان بىلىكتى مامانداردىڭ ءبىرى. ن.ناليحانۇلى 2012 جىلدان بەرى دەنساۋلىق ساقتاۋ سالاسىندا ەڭبەك ەتىپ كەلەدى. اق حالاتتى ابزال جان ناۋقاستارعا حيرۋرگيالىق جانە وڭالتۋ بويىنشا ەمدەۋ شارالارىن جۇرگىزەدى. جىلىنا 200-دەن اسا ازاماتقا مەديتسينالىق كەڭەس بەرەدى.
مەديتسينا مامانى وتباسىمەن دارىگەرلىك جولدى تاڭداعان. اكەسى، اناسى، ءىنىسى جانە قارىنداسى دەنساۋلىق ساقتاۋ سالاسىندا ەڭبەك ەتەدى. حالىقتىڭ ساۋلىعى ءۇشىن قىزمەت اتقارعان وتباسىعا كوپشىلىك تامسانا قارايدى.
قازىر نۇرسۇلتان «NazMed» مەديتسينالىق ورتالىعىنىنىڭ باس دارىگەرى. نازارباەۆ پەن ۇجىمى تەگىن مەديتسينالىق كومەكتىڭ كەپىلدەندىرىلگەن كولەمى شەڭبەرىندە حالىققا مەديتسينالىق كومەك كورسەتەدى. مامان ۇيىمداستىرۋشىلىق قابىلەتىنىڭ جانە كوپشىلىكپەن جۇمىس جۇرگىزە الۋىنىڭ ارقاسىندا حالىقتىڭ العىسىنا بولەنگەن.
نۇرسۇلتان ناليحانۇلى كاسىبي بىلىكتىلىگىن ارتتىرۋ ماقساتىندا الماتى قالاسىندا رەابيليتولوگ ماماندىعى بويىنشا قايتا دايارلاۋدان وتكەن. ءبىلىمىن جەتىلدىرۋدەن جالىققان ەمەس. 2020 جىلى حالىقارالىق قازاق-تۇرىك ۋنيۆەرسيتەتىنە وقۋعا ءتۇسىپ، PHD دوكتورانتۋراسى بويىنشا ءبىلىم الۋدا.
سونىمەن قاتار، جاس مامان عىلىمي جۇمىستى دا بىرگە الىپ كەلەدى. ول – مەديتسينا عىلىمىنىڭ ماگيسترى. دارىگەر ءۇشىن العاشقى اكادەميالىق دارەجەنىڭ ءرولى ماڭىزدى ەكەنىن اتاپ كەتكەن ءجون.
شىمكەنت قالاسى اكىمدىگىنىڭ ءباسپاسوز قىزمەتى
