رەسەي پرەزيدەنتى ۆلاديمير پۋتين ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا ارنالعان شەرۋ كەيىنگە شەگەرىلگەنىن مالىمدەدى. پرەزيدەنت بۇنى قاۋىپسىزدىك كەڭەسىنىڭ جينالىسىندا ايتتى، دەپ جازادى centralasian.org.
ءپۋتيننىڭ مالىمدەۋىنشە، "ەپيدەميانىڭ كۇشەيۋ كەزەڭى ارتتا قالعانىنا قاراماستان، اۋرۋ جۇقتىرۋ قاۋپى سەيىلگەن جوق". سول سەبەپتى ول جەڭىس شەرۋى مەن باسقا دا كوپشىلىك ءىس-شارالارعا دايىندىقتى كەيىنگە قالدىرۋدى تاپسىردى.
ء"بىز كوروناۆيرۋس قاۋپى سەيىلگەن سوڭ جەڭىس كۇنىنە ارنالعان بارلىق ءىس-شارالاردى بيىل وتكىزەمىز، ماسكەۋدە دە شەرۋ بولادى، "ماڭگىلىك پولك" مارشى دا ۇيىمداستىرىلادى", - دەپ مالىمدەدى پرەزيدەنت.
بۇنىڭ الدىندا رەسەيدەگى ارداگەرلەر ۇيىمدارى پرەزيدەنتتەن جەڭىس شەرۋىن كەيىنگە قالدىرۋىن سۇراعان.
رەسەيدە كوروناۆيرۋس بارلىق ايماقتاردا تىركەلدى. سارسەنبى كۇنى ەلدە 3448 ادامنىڭ COVID-19 كوروناۆيرۋسىن جۇقتىرعانى انىقتالدى. رەسەيدە 27 938 ادام كوروناۆيرۋس جۇقتىرعان، 232 ادام قايتىس بولعان، 2304 ادام اۋرۋدان ايىققان.
