دەپۋتات ا.تسويدى سىنعا الدى

8152

"نۇر وتان" پارتياسىنىڭ دەپۋتاتى يرينا ۋنجاكوۆا دەنساۋلىق ساقتاۋ مينيسترلىگىن سىنعا الدى، دەپ حابارلايدى «ادىرنا» ءتىلشىسى.

ونىڭ ايتۋىنشا، حالىق ۆاكتسينانى قالاي جانە قايدان قابىلداۋ كەرەك ەكەنىن بىلمەيدى.

«كەشە دەنساۋلىق ساقتاۋ ءمينيسترى حالىقتى ەكپە قابىلداۋعا تاعى ءبىر مارتە شاقىردى. بىراق سۇراق تۋىندايدى: قايدا بارۋ كەرەك، قايدان ەگىلۋ قاجەت؟ ويتكەنى، ايماقتارداعى ەمحانالاردا ۆاكتسينالار جوق. بۇل جاعداي وتكەن جىلدى ەسكە تۇسىرەدى. ءبىر جىل بۇرىن حالىق پتر-سىناماسىن قايدا جانە قاشان تاپسىرۋعا بولاتىنىن بىلمەدى. بۇگىنگى تاڭدا ەلىمىزدە قالىپتاسقان جاعداي دەنساۋلىق ساقتاۋ مينيسترلىگىنىڭ كوروناۆيرۋسقا قارسى كۇرەستە ءوز تاجىريبەسىنەن دە، الەم تاجىريبەسىنەن دە ساباق الماعانىن كورسەتىپ تۇر. ال الەمدىك تاجىريبە ايقىن. يزرايل، ۇلىبريتانيا، سلوۆاكيا، سلوۆەنيا، سەربيا، سينگاپۋر جانە باسقا دا بىرقاتار ەلدەردە حالىقتىڭ جارتىسىنان 90 پايىزعا دەيىن ەگىلدى»،-دەدى ۋنجاكوۆا.

سونداي-اق دەپۋتات ەلىمىزدە قالىپتاسقان احۋالعا كوڭىلى تولمايتىنىن جەتكىزدى.

«قازاقستاندا دەنساۋلىق ساقتاۋ مينيسترلىگىنىڭ اقپاراتى بويىنشا، 101 مىڭنان استام ادام ۆاكتسيناتسيالاندى. بۇل 0,7 پايىزدى قۇرايدى، ياعني حالىقتىڭ ءبىر پايىزى عانا. ۆاكتسيناتسيا ەكى اي بۇرىن باستالدى. وسىنداي قارقىنمەن جالعاستىرساق، 19 ميلليونعا جۋىق تۇرعىننىڭ 70 پايىزىنا ەكپە ەگۋ ءۇشىن شامامەن 15 جىل قاجەت بولادى»،-دەپ مالىمدەدى ول.

«ادىرنا» ۇلتتىق پورتالى

پىكىرلەر
رەداكتسيا تاڭداۋى