"Nur Otan" partııasynyń depýtaty Irına Ýnjakova Densaýlyq saqtaý mınıstrligin synǵa aldy, dep habarlaıdy «Adyrna» tilshisi.
Onyń aıtýynsha, halyq vakınany qalaı jáne qaıdan qabyldaý kerek ekenin bilmeıdi.
«Keshe Densaýlyq saqtaý mınıstri halyqty ekpe qabyldaýǵa taǵy bir márte shaqyrdy. Biraq suraq týyndaıdy: qaıda barý kerek, qaıdan egilý qajet? Óıtkeni, aımaqtardaǵy emhanalarda vakınalar joq. Bul jaǵdaı ótken jyldy eske túsiredi. Bir jyl buryn halyq PTR-synamasyn qaıda jáne qashan tapsyrýǵa bolatynyn bilmedi. Búgingi tańda elimizde qalyptasqan jaǵdaı Densaýlyq saqtaý mınıstrliginiń koronavırýsqa qarsy kúreste óz tájirıbesinen de, álem tájirıbesinen de sabaq almaǵanyn kórsetip tur. Al álemdik tájirıbe aıqyn. Izraıl, Ulybrıtanııa, Slovakııa, Slovenııa, Serbııa, Sıngapýr jáne basqa da birqatar elderde halyqtyń jartysynan 90 paıyzǵa deıin egildi»,-dedi Ýnjakova.
Sondaı-aq depýtat elimizde qalyptasqan ahýalǵa kóńili tolmaıtynyn jetkizdi.
«Qazaqstanda Densaýlyq saqtaý mınıstrliginiń aqparaty boıynsha, 101 myńnan astam adam vakınaııalandy. Bul 0,7 paıyzdy quraıdy, ıaǵnı halyqtyń bir paıyzy ǵana. Vakınaııa eki aı buryn bastaldy. Osyndaı qarqynmen jalǵastyrsaq, 19 mıllıonǵa jýyq turǵynnyń 70 paıyzyna ekpe egý úshin shamamen 15 jyl qajet bolady»,-dep málimdedi ol.
«Adyrna» ulttyq portaly
