بۇگىن، 30 قاراشا كۇنى، قىتايدىڭ سىچۋان ولكەسىندەگى چەندۋ قالاسىندا قىتاي-ورتالىق ازيا سىرتقى ىستەر مينيسترلەرىنىڭ بەسىنشى كەزدەسۋى رەسمي تۇردە باستالادى. كەزدەسۋدى قىتاي سىرتقى ىستەر ءمينيسترى ۆان ي ۇيىمداستىرۋدا، دەپ حابارلايدى "ادىرنا" ۇلتتىق پورتالى قىتايدىڭ جەنمين جيباو گازەتىنىڭ سايتىنا سىلتەپ.
ءىس-شاراعا ورتالىق ازيانىڭ بەس مەملەكەتىنىڭ جوعارى دەڭگەيدەگى وكىلدەرى قاتىسادى. قازاقستان دەلەگاتسياسىن پرەمەر-ءمينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋ باستاپ كەلدى. سونداي-اق، قىرعىزستاننان جەەنبەك كۋلۋباەۆ، تاجىكستاننان سيرودجيددين مۋحريددين، تۇركىمەنستاننان راشيد مەرەدوۆ، وزبەكستاننان باحتيور سايدوۆ قاتىسپاق.
بۇل جيىن 2023 جىلى وتكەن قىتاي-ورتالىق ازيا سيان ءسامميتىنىڭ ناتيجەلەرىن جۇزەگە اسىرۋ جانە 2024 جىلى قازاقستاندا وتەتىن ەكىنشى سامميتكە دايىندىق جۇمىستارىن باستاۋعا باعىتتالعان.
قىتاي سىرتقى ىستەر مينيسترلىگىنىڭ ءباسپاسوز حاتشىسى ماو ءنيننىڭ ايتۋىنشا، كەزدەسۋ بارىسىندا ايماقتىق ىنتىماقتاستىقتى دامىتۋ، ەكونوميكالىق سەرىكتەستىكتى نىعايتۋ جانە قاۋىپسىزدىك ماسەلەلەرىن شەشۋ بويىنشا بىرقاتار ماڭىزدى قۇجاتتار تالقىلانادى.
كەزدەسۋ 1 جەلتوقسانعا دەيىن جالعاسادى. جيىن بارىسىندا قاتىسۋشىلار ايماقتىق ينتەگراتسيانىڭ جاڭا جولدارىن قاراستىرىپ، ستراتەگيالىق ماڭىزدى سالالاردا ءوزارا ىقپالداستىقتى كۇشەيتۋگە نازار اۋدارادى.
بۇل كەزدەسۋ قىتاي مەن ورتالىق ازيا ەلدەرىنىڭ ءوزارا قارىم-قاتىناسىن جاڭا دەڭگەيگە كوتەرۋگە سەپتىگىن تيگىزەدى دەپ كۇتىلۋدە.
