باتىس قازاقستان وبلىسىندا 14 جاستان اسقان مەكتەپ وقۋشىلارى جازعى دەمالىس كەزىندە اي سايىن 42 500 تەڭگە الا الادى، دەپ حابارلايدى «ادىرنا» ءتىلشىسى.
باستاما "مەنىڭ اۋلام – مەنىڭ باقشام" جوباسى اياسىندا جۇزەگە اسپاق. بۇل تۋرالى وبلىس اكىمى عالي ەسقاليەۆ ايتتى.
«ايماقتاعى 12 اۋداننىڭ 70-كە جۋىق مەكتەبى جوباعا قولداۋ ءبىلدىردى. مەكتەپ وقۋشىلارى اتا-اناسى كەلىسىم بەرگەن جاعدايدا عانا جاز بويى باۋ-باقشادا ەڭبەكتەنە الادى. ولارعا ايىنا 42500 تەڭگە تولەنەدى»، - دەدى ول.
ايتا كەتەيىك، جوبا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ ماقساتىندا ازىرلەندى.
«ادىرنا» ۇلتتىق پورتالى
