ءبىر ايدا بىرنەشە جۇلدە

2513
Adyrna.kz Telegram

ەستەرىڭىزدە بولسا، 2020 جىلى قر ۇقك شەكارا اكادەمياسىنىڭ كۋرسانتتارى ەلىمىزدەگى پاندەميالىق جاعدايعا قاراماستان سانيتارلىق ەپيدەمالوگيالىق تالاپتاردى ساقتاي وتىرىپ، سپورتتىڭ ءار تۇرىنەن جارىستارعا قاتىسىپ جۇلدەلى ورىنداردى يەلەنگەن بولاتىن. بۇل تۋرالى تالاي مارتە ءباسپاسوز بەتتەرىندە جازىلدى.

2021 جىلدىڭ اقپان ايىنان باستاپ سالاۋاتتى ءومىر سالتىن ۇستاناتىن وقۋ ورنىنىڭ قۇراما كومانداسى ۆولەيبولدان قالالىق «قىس-2020» جارىسىنا قاتىسىپ، جالپى كوماندالىق ەسەپ بويىنشا شەكارا اكادەمياسىنىڭ قۇراما كومانداسى 1 ورىندى يەلەندى. ايتا كەتۋ كەرەك، الماتى قالاسىنىڭ سپورت سۇيەر قاۋىمى ۇيىمداستىرعان جارىسقا 25 كوماندادان كوپ سپورتشى قاتىسىپ، ماقتاۋ قاعازدارى مەن «كۋبوكتى» جانە ءار ءبىر سپورتشى سپورتتىق مەدال الدى.

جارىس بارىسىندا ۆولەيبولدان ورنەكتى ويىن كورسەتكەن قۇراما كوماندانىڭ ءتىزىمى:

  1. پودپولكوۆنيك م.رامازانوۆ

  2. مايور م.كايربەكوۆ 2 وقۋ ديۆيزيونى

  3. كاپيتانا ا.اسحاتوۆ دەنە شىنىقتىۋ كافەدراسى

  4. كاپيتانا د.اسحاتوۆ دەنە شىنىقتىرۋ كافەدراسى

  5. اعا لەيتەنانت ن.رۋسين

  6. سەرجانت ا.اكيمبەكوۆ دەنە شىنىقتىرۋ

  7. كىشى سەرجانت ب.مالكايداروۆ

  8. ەفرەيتور د.بەكپاەۆ

  9. قاتارداعى جاۋىنگەر ا. پريششەپا

ال، وسى جىلدىڭ 26 - 28 اقپان ارالىعىندا پەتروپاۆل قالاسىندا «كيك-بوكسينگتەن» جارىس بولىپ ءوتتى. قازاقستان رەسپۋبليكاسىنىڭ چەمپيوناتىنا قاتىسقان دەنە شىنىقتىرۋ كافەدراسىنىڭ سپورتشى-نۇسقاۋشىسى قاتارداعى جاۋىنگەر ك.نۇرعاليەۆ ءوز كەزەگىندە قارسىلاس شاق كەلتىرمەي 1 ورىن الدى. ارىپتەسىمىزدىڭ مىقتىلىعىن ەسكەرگەن تورەشىلەر «سولتۇستىك-كۋبوگى» مەن ماقتاۋ قاعازىن جانە التىن مەدالدى سالتاناتتى تۇردە تابىستادى.

27 اقپاندا اكادەميانىڭ اسكەري قىزمەتشىلەرى ەكسترەمالدى جۇگىرۋدەن «شىمبۇلاق» شىڭىنا شىقتى. سكايرانينگ ءتارتىبى بويىنشا 4 شاقىرىمدى ءبولىپ جۇگىرگەن جەلاياقتار، «شىمبۇلاق» شىڭىنان باستاپ 2200 مەتر بيىكتىككە جۇگىرۋدى ءجون كوردى. «تالعار اسۋىنا» توقتاعان سپورتشىلار مارە سىزىعىنا ءبىرىنشى بولىپ كەلۋگە تىرىستى. جارىستى ۇيىمداستىرعان «ەكستەرمالدى اتلەتيكا» ۇجىمىنداعى مامانداردىڭ ايتۋىنشا، شەكاراشىلار مۇنداي جارىستارعا ءجيى قاتىسىپ تۇرادى ەكەن. بۇل جولى جوعارىعا جۇگىرىپ باعىن سىناعاندار مايورلار د.كەنجەتاەۆ، ن.دونەنباەۆ، ا.تيۋتياۆين جانە كەلىسىمشارت قىزمەتىنىڭ سەرجانتى ە.ناسىروۆتار بولدى.

سونىمەن قاتار، الماتى قالاسىنىڭ «الماتى ارەنا» سپورت كەشەنىندە  ۇيىمداستىرىلعان «كەكۋ-شينكاي كاراتە» اشىق چەمپيوناتىنا جاس ەرەكشەلىگىنە قاراي 30 جاستان جوعارى ابساليۋتتى سالماق دارجەسى بويىنشا مايور ا.تيۋتياۆين 1 ورىندى جەڭىپ الدى. ول دا 1 دارەجەلى ديپلوم جانە  «كۋبوكپەن» ماراپاتتالدى.

ءدال وسى كۇنى «الماتى مارافونىنا» قاتىسقان دەنە شىنىقتىرۋ كافەدراسىنىڭ باستىعى پولكوۆنيك ب.جاكاشەۆ پەن پودپولكوۆنيك ە.سۋيۋنوۆ جانە كەلىسىمشارت قىزمەتىنىڭ قاتارداعى جاۋىنگەرى ر.قادىربەك 11 شاقىرىمعا جۇگىردى.

ءوز كەزەگىندە شىمكەنت قالاسىندا وق اتۋدان وتكەن قازاقستان رەسپۋبليكاسىنىڭ چەمپيوناتىنا دەنەشىنىقتىرۋ كافەدراسىنىڭ اعا وقىتۋشىسى پودپولكوۆنيك د.كانداۋروۆ الماتىدان بارعان قۇراما كوماندانىڭ قۇرامىندا بولىپ كوماندالىق ەسەپ بويىنشا 4 ورىندى مىسە تۇتتى.

وزدەرىڭىز بايقاپ وتىرعانداي، ءبىر ايدىڭ ىشىندە وتكەن جارىس كەزىندە اكادەميانىڭ جارىسقا قاتىسقان اسكەري قىزمەتشىلەرى جوعارى ناتيجە كورسەتكەن ەكەن. ءبىر سوزبەن ايتقاندا شەكاراشى سپورتشىلار نامىستى قولدان بەرمەدى. وزدەرىنە جۇكتەلگەن تاپسىرمانىڭ ۇدەسىنەن شىعىپ، ۇقك ورگاندارىنىڭ وڭ ءيميدجىن قالىپتاستىرۋعا ءبىر كىسىدەي ات سالىسىپ بيىك تۇعىردان كورىندى.

جانات جابىربەكوۆ،

قر ۇقك شەكارا اكادەمياسىنىڭ

ءباسپاسوز حاتشىسى

 

پىكىرلەر