Esterińizde bolsa, 2020 jyly QR UQK Shekara akademııasynyń kýrsanttary elimizdegi pandemııalyq jaǵdaıǵa qaramastan sanıtarlyq epıdemalogııalyq talaptardy saqtaı otyryp, sporttyń ár túrinen jarystarǵa qatysyp júldeli oryndardy ıelengen bolatyn. Bul týraly talaı márte baspasóz betterinde jazyldy.
2021 jyldyń aqpan aıynan bastap salaýatty ómir saltyn ustanatyn oqý ornynyń qurama komandasy voleıboldan qalalyq «Qys-2020» jarysyna qatysyp, jalpy komandalyq esep boıynsha Shekara akademııasynyń qurama komandasy 1 oryndy ıelendi. Aıta ketý kerek, Almaty qalasynyń sport súıer qaýymy uıymdastyrǵan jarysqa 25 komandadan kóp sportshy qatysyp, maqtaý qaǵazdary men «Kýbokty» jáne ár bir sportshy sporttyq medal aldy.
Jarys barysynda voleıboldan órnekti oıyn kórsetken qurama komandanyń tizimi:
-
podpolkovnık M.Ramazanov
-
maıor M.Kaırbekov 2 oqý dıvızıony
-
kapıtana A.Ashatov dene shynyqtyý kafedrasy
-
kapıtana D.Ashatov dene shynyqtyrý kafedrasy
-
aǵa leıtenant N.Rýsın
-
serjant A.Akımbekov dene shynyqtyrý
-
kishi serjant B.Malkaıdarov
-
efreıtor D.Bekpaev
-
Qatardaǵy jaýynger A. Prıepa
Al, osy jyldyń 26 - 28 aqpan aralyǵynda Petropavl qalasynda «Kık-boksıngten» jarys bolyp ótti. Qazaqstan Respýblıkasynyń chempıonatyna qatysqan dene shynyqtyrý kafedrasynyń sportshy-nusqaýshysy qatardaǵy jaýynger K.Nurǵalıev óz kezeginde qarsylas shaq keltirmeı 1 oryn aldy. Áriptesimizdiń myqtylyǵyn eskergen tóreshiler «Soltústik-Kýbogy» men maqtaý qaǵazyn jáne altyn medaldi saltanatty túrde tabystady.
27 aqpanda akademııanyń áskerı qyzmetshileri ekstremaldi júgirýden «Shymbulaq» shyńyna shyqty. Skaıranıng tártibi boıynsha 4 shaqyrymdy bólip júgirgen jelaıaqtar, «Shymbulaq» shyńynan bastap 2200 metr bıiktikke júgirýdi jón kórdi. «Talǵar asýyna» toqtaǵan sportshylar máre syzyǵyna birinshi bolyp kelýge tyrysty. Jarysty uıymdastyrǵan «Ekstermaldi Atletıka» ujymyndaǵy mamandardyń aıtýynsha, shekarashylar mundaı jarystarǵa jıi qatysyp turady eken. Bul joly joǵaryǵa júgirip baǵyn synaǵandar maıorlar D.Kenjetaev, N.Dónenbaev, A.Tıýtıavın jáne kelisimshart qyzmetiniń serjanty E.Nasyrovtar boldy.
Sonymen qatar, Almaty qalasynyń «Almaty arena» sport kesheninde uıymdastyrylǵan «KEKÝ-ShINKAI KARATE» ashyq chempıonatyna jas ereksheligine qaraı 30 jastan joǵary absalıýtty salmaq dárjesi boıynsha maıor A.Tıýtıavın 1 oryndy jeńip aldy. Ol da 1 dárejeli dıplom jáne «Kýbokpen» marapattaldy.
Dál osy kúni «Almaty marafonyna» qatysqan dene shynyqtyrý kafedrasynyń bastyǵy polkovnık B.Jakashev pen podpolkovnık E.Sýıýnov jáne kelisimshart qyzmetiniń qatardaǵy jaýyngeri R.Qadyrbek 11 shaqyrymǵa júgirdi.
Óz kezeginde Shymkent qalasynda oq atýdan ótken Qazaqstan Respýblıkasynyń chempıonatyna deneshynyqtyrý kafedrasynyń aǵa oqytýshysy podpolkovnık D.Kandaýrov Almatydan barǵan qurama komandanyń quramynda bolyp komandalyq esep boıynsha 4 oryndy mise tutty.
Ózderińiz baıqap otyrǵandaı, bir aıdyń ishinde ótken jarys kezinde akademııanyń jarysqa qatysqan áskerı qyzmetshileri joǵary nátıje kórsetken eken. Bir sózben aıtqanda shekarashy sportshylar namysty qoldan bermedi. Ózderine júktelgen tapsyrmanyń údesinen shyǵyp, UQK organdarynyń oń ımıdjin qalyptastyrýǵa bir kisideı at salysyp bıik tuǵyrdan kórindi.
Janat Jabyrbekov,
QR UQK Shekara akademııasynyń
baspasóz hatshysy
