9 ميلليونعا لەنيننىڭ ءمۇسىنى ساتىلماق

3010
Adyrna.kz Telegram

3,5 مەتر بيىكتىكتەگى قولا ءمۇسىندى لەنيننىڭ ساتىلاتىندىعى تۋرالى حابارلاما OLX سايتىندا پايدا بولدى، - دەپ حابارلايدى "ادىرنا" ۇلتتىق پورتالى، پەتروپاۆلوۆسك.news سايتىنا سىلتەمە جاساپ.

پەتروپاۆل قالاسىندا ساتىلىمعا شىققان قولا ءمۇسىننىڭ يەسى، ەسكەرتكىشتىڭ سالماعى 1400 كەلى ەكەنىن حابارلايدى. گازەت اتاپ وتكەندەي، يەسى مۇنداي قۇندى ەكسپوناتتى قايدان العانىن ايتۋدان باس تارتتى. تەك ەسكەرتكىشتى قولا مەتالدىڭ سىنىقتارى رەتىندە ەمەس، تاريحي ەسكەرتكىش رەتىندە ساتاتىنىن ايتتى. لەنيننىڭ باعاسى 1 600 000 تەڭگە كولەمىندە كورسەتىلگەن، بىراق حابارلاندىرۋ ماتىنىندە سوما رۋبلمەن جازىلعاندىقتان ۇلتتىق ۆاليۋتاعا اۋدارعاندا بۇل شامامەن 9 ميلليون تەڭگەنى قۇرايدى.

ەسكەرتكىشتى انىقتاپ قارار بولساق، «كسرو كوركەمونەر قورى، مىتيششي كوركەم قۇيۋ زاۋىتى» دەگەن بەلگى قويىلعان.

باسىلىمدا كورسەتىلگەندەي، ەگەر ەسكەرتكىش تازا قولادان جاسالعان بولسا، وندا ونىڭ ءتۇستى سىنىقتار نارىعىنداعى قۇنى، سالماعى 1400 كيلوگراممعا ەكى ميلليون تەڭگەنى قۇرايدى.

"ادىرنا" ۇلتتىق پورتالى

پىكىرلەر